दर्दनाक हादसा: नदी म डूबे ले होइस दू युवती मन के मउत

बीजापुर,7 जनवरी 2021। जिला के जांगला क्षेत्र ले एक दुखद घटना आगु आये हे। पिकनिक मनाये बर गए दू युवती मन के नदी म डूबे लेे मउत होगे। मिंगाचल नदी के तीर पिकनिक मनाये बर 20 संगवारी मन के समूह पंहुचे रहिस। उहां लकड़ी के बने नाव म सवार होके नदी म घूमत दुनों युवती मन के नदी म डूबे लेे मउत होगे। बताये जावत हे कि नाव पलटे ले ये दर्दनाक हादसा होय हे। ग्रामीण मन के मदद ले दुनों युवती मन के शव निकाल लेहे गए हे। दुनों युवती मन नैमेड के रहइया हे। जांगला थाना क्षेत्र के जैवाराम के पास ये हादसा होइस हे। ये दुखद घटना के जानकारी मिलत ही क्षेत्रीय विधायक विक्रम मंडावी घलो परिजन मन ल ढांढस बांधे बर घटना स्थल म पंहुचिन।