कबीरधाम, 4 अप्रैल 2021। कोतवाली पुलिस ह 600 ग्राम चरस के संग दू युवक ल रंगे हाथ गिरफ्तार करे हे। आरोपी मन के खिलाफ नार्कोटिक्स एक्ट के तहत कार्रवाई करे गए हे। मिले जानकारी के अनुसार दू युवक 600 ग्राम चरस खपाये बर बस स्टैंड म घूमत रहिस. मुखबिर के सूचना म सिटी कोतवाली पुलिस ह दुनों युवक ल धर दबोचिस। दुनों युवक के तीर ले 600 ग्राम चरस बरामद होय हे। बताये जावत हे कि दुनों युवक ओड़िसा के रहने वाला हे। आरोपी मन के कब्जा ले जब्त 600 ग्राम चरस के कीमत लगभग 3 लाख ले ऊपर आंके गए हे। सिटी कोतवाली पुलिस ह दुनों आरोपी के खिलाफ नार्कोटिक्स एक्ट के कार्रवाई करे हे।
पुलिस के बड़का कार्रवाई, लाखों के चरस के संग दू युवक गिरफ्तार
