रायपुर, मुख्यमंत्री श्री भूपेश बघेल ह स्वतंत्रता संग्राम सेनानी, स्व. ठाकुर प्यारेलाल सिंह के जयंती (21 दिसम्बर) के बेरा म ओ मन ल नमन करे हें। श्री बघेल ह कहिन के ठाकुर साहब ह न सिरिफ गरीब मन के सेवा करिन बल्कि ऊंखर अधिकार बर जीवनभर संघर्ष करिन। ठाकुर प्यारेलाल सिंह छत्तीसगढ़ म सहकारी आंदोलन के पुरोधा के रूप म जाने जाथे। उमन छात्र जीवन ले ही स्वाधीनता आंदोलन ले जुड़ गए रहिन। उमन अत्याचार अऊ अन्याय के विरोध म अपन अवाज बुलंद करिन अऊ जन असंतोष ल संगठित दिशा प्रदान करिन। राजनांदगांव म मिल मजदूर मन ल संगठित करके ओ मन ल कुशल नेतृत्व प्रदान करिन। छत्तीसगढ़ म छात्र मन ल संगठित रूप ले आंदोलन ले जोड़े के श्रेय घलोक ठाकुर साहब ल जाथे। हरिजन उद्धार अऊ जन-जागरण बर घलोक कई काम उमन करिन। श्री बघेल ह कहिन कि छत्तीसगढ़ के इतिहास म अपन अमूल्य योगदान बर ठाकुर साहब हमेशा याद करे जाहीं।
मुख्यमंत्री ह ठाकुर प्यारेलाल सिंह के जयंती म ऊंखर योगदान ल करिन सुरता
