मुख्यमंत्री श्री भूपेश बघेल ह अपन टाइपोग्राफी स्कैच के करिन अनावरण

रायपुर, मुख्यमंत्री श्री भूपेश बघेल ह आज राजधानी रायपुर म आयोजित राज्योत्सव अउ राष्ट्रीय आदिवासी नृत्य महोत्सव के शुभारंभ कार्यक्रम के बाद छत्तीसगढ़ शासन के कई विभाग मन कोति ले लगाए गए स्टाल मन के निरीक्षण करिन। ये बेरा म उमन इंदिरा कला संगीत विश्वविद्यालय, राजनांदगांव के छात्रा श्रीमती अनन्या ठाकुर कोति ले कपड़ा म टाइपोग्राफी आर्ट ले बनाय गए अपन स्कैच के अनावरण करिन।
मुख्यमंत्री ल श्रीमती अनन्या ह बताइस कि ये स्कैच वो ह छत्तीसगढ़ शासन के 32 ठन योजना मन ल निरधारित करत 11 हजार 5 सौ 60 शब्द ले बनाए हे, जेन ल बनाए म ओ ल करीबन 1 महीना लगे हे। एखर संगेच वो ह ये स्कैच ल गिनीज बुक ऑफ वर्ल्ड रिकॉर्ड अऊ इंडिया बुक ऑफ रिकॉर्ड बर घलोक प्रस्तावित करे हे। मुख्यमंत्री श्री बघेल ह वोखर ये कला के सराहना करत वो ल बधाई अउ शुभकामना दीन। ये बेरा म गृह मंत्री श्री ताम्रध्वज साहू, नगरीय प्रशासन मंत्री डॉ. शिवकुमार डहरिया, संस्कृति मंत्री श्री अमरजीत भगत अऊ छत्तीसगढ़ पर्यटन विकास बोर्ड के अध्यक्ष श्री अटल श्रीवास्तव घलोक उपस्थित रहिन।