शासकीय उचित मूल्य के दुकान बर आवेदन 03 नवंबर तक

दुर्ग, सार्वजनिक वितरण प्रणाली के तहत् शासकीय उचित मूल्य दुकान मन के युक्तियुक्त करण करे जात हे। नगरीय निकाय भिलाई, रिसाली अऊ दुर्ग म 500 ले जादा राशन कार्ड होए म संबंधित क्षेत्र म नवा शासकीय उचित मूल्य दुकान के स्वीकृति देहे गए हे। एखर बर 03 नवंबर तक कलेक्ट्रेट स्थित खाद्य शाखा म आवेदन आमंत्रित करे गए हे।
एमां नगर निगम भिलाई अंतर्गत वार्ड 02 स्मृति नगर, वार्ड 03 मॉडल टाउन, वार्ड 20 वैशाली नगर, वार्ड 24 हाऊसिंग बोर्ड, वार्ड 56 सेक्टर 02 पश्चिम, वार्ड 56 सेक्टर 02 पश्चिम, केवल ए.पी.एल. कार्ड मन बर, वार्ड 57 सेक्टर 04 पूर्व, वार्ड 62 सेक्टर 06 मध्य, वार्ड 69 सेक्टर 09, वार्ड 65 सेक्टर 10 म नवीन उचित मूल्य दुकान बर आवेदन आमंत्रित करे गए हे। अइसनहे रिसाली के वार्ड 15, मौहारी, मरौदा, वार्ड 31 रिसाली बस्ती अऊ नगर निगम दुर्ग के वार्ड 60 कातुल बोर्ड दक्षिण म नवा उचित मूल्य दुकान बर आवेदन आमंत्रित करे गए हे।
अनियमितता पाए म 04 उचित मूल्य दुकान के आबंटन निरस्त करके फेर संचालन बर आवेदन आमंत्रित-
अनियमितता पाए गए रहिस त 04 शासकीय उचित मूल्य दुकान के आबंटन निरस्त कर दे गए रहिस। एमां भिलाई के वार्ड 26 रामनगर मुक्तिधाम, वार्ड 33 संतोषी पारा अऊ रिसाली के वार्ड 60 अऊ वार्ड 42 स्टेशन मरौदा म संचालित राशन दुकान मन के आबंटन निरस्त कर दे गए रहिस हे। एखर बर घलोक 03 नवंबर तक आवेदन आमंत्रित करे गए हे। दुकान संचालन बर इच्छुक स्थानीय निकाय, स्व सहायता समूह, प्राथमिक कृषि साख समिति, आन सहकारी समिति, कार्यालय खाद्य नियंत्रक दुर्ग ले संपर्क कर सकत हें।