पर्यावरण संरक्षण मंडल के क्षेत्रीय अधिकारी मन के बइठका म मोहम्मद अकबर ह करिन वृक्षारोपण के समीक्षा
धमेन्द्र निर्मल के सार समाचार, आवास अउ पर्यावरण मंत्री श्री मोहम्मद अकबर ह कहिन कि उद्योग अउ खदान मन के तीर -तखार म सघन वृक्षारोपण करावौ। उन मन कहिन कि बरसात के मौसम म जम्मो उद्योग अपन लक्ष्य पूरा कर लैं। लक्ष्य पूरा नइ करइया उद्योग मन उपर कार्रवाई करे जाए। वइसन उद्योग मन बर घलो जारी करे जाए। श्री अकबर आज छत्तीसगढ़ पर्यावरण संरक्षण मंडल म अधिकारी मन के बइठका म वृक्षारोपण कार्य के समीक्षा करत रिहिन हे।
श्री अकबर ह अधिकारी मन ले कहिन कि उद्योग मन डाहर ले केवल पेड़ लगाना ही पर्याप्त नइ हे भल्किन बडे होवत तक ले उन्कर समुचित देख-भाल घलो
करे जाए। मंडल के अधिकारी वृक्षारोपण कार्य की मॉनिटरिंग तको करैं। उन मन कहिन कि औद्योगिक क्षेत्र अउ खदान मन के तीर -तखार म अब्बड़ अकन
वृक्षारोपण के माध्यम ले औद्योगिक प्रदूषण के समस्या ल बड़ सीमा तक कम करे जा सकत हे।
पर्यावरण संरक्षण मण्डल के सदस्य सचिव श्री आर.पी. तिवारी ह जानकारी दीन कि छत्तीसगढ़ म मण्डल जम्मो प्रमुख उद्योग मन ले सघन वृक्षारोपण करावत
हावयं, जेन उद्योग मन ल सोज्झे मण्डल ले थापना अउ संचालन सम्मति दे जाथे, उहीच म वृक्षारोपण के शरत संघेरे गे हवय । उन मन बताइन कि जउन उद्योग
पर्यावरण निकासी (इन्वायरमेंटल क्लियरेंस) के श्रेणी म आथें, उहेंचे क्लियरेंस के बेरा दिए गे शरत मन के अनुसार ही वृक्षारोपण करे बर होथे।
ओइसनेहे खदान मन म खदान योजना (माईनिंग प्लान) के अनुसार वृक्षारोपण करे जाथे। ये अवसर म बइठका म मण्डल के क्षेत्रीय कार्यालय रायपुर, बिलासपुर,
दरूुग, कोरबा, रायगढ़, अंबिकापुर अउ जगदलपुर के अधिकारी मन उपस्थित रिहिन हे।
चटकारा
बुधारू:- अपने भर मन डंडा ल कोल लेथे हमला कोलन नइ देवय। ओइसनेहे कोनो डंडा पचरंगा खेलइ होथे।
समलिया:- अरे भाई तै नानचुन हस तेकर सेति तोर दूध – भात हे।
बुधारू:- दाम दे बर दूध -भात हे , ले बर थोरे हे। हमला उल्लू बनावत हे बड़ा।
समलिया:- ये लइका बड़ हुसियार हे रे भाई एकर दूध -भात रखना बेकार हे।