- मंत्री श्री लखमा ह चौपाल लगा के गांव वाले मन ले करिन बातचीत
- स्व-सहायता समूह के दोना-पत्तल मशीन के बटन दबाके करिन शुभारंभ
रायपुर, वाणिज्य अऊ उद्योग मंत्री श्री कवासी लखमा ह आज नारायणपुर जिला के ग्राम पंचायत भाटपाल जाके छत्तीसगढ़ सरकार के महत्वाकांक्षी योजना नरूवा, गरूवा, घुरूवा अऊ बाड़ी के तहत् बनाये गये मॉडल गौठान के अवलोकन करिन। मंत्री ह पेड़ के नीचे चौपाल लगा के गांव वाले मन ले बातचीत करिन। मंत्री ह कहिन कि नरूवा, गरूवा, घुरूवा अऊ बाड़ी योजना सरकार के नहीं भलुक आपे मन के योजना ये। ए योजना के आप मन भरपूर फायदा उठावव अऊ अपन मवेशी मन ल सरकार कोति ले बनाये गये गौठान म लावव। ए योजना ले एक तरफ ग्रामीण भाई मन अऊ बहिनी मन के आर्थिक स्थिति सुदृढ़ होही, उन्हें स्थानीय युवा मन ल रोजगार मिलही। खेती-किसानी बर गोबर के घलोक खाद उपलब्ध होही।