युगांडा के जनजातीय कलाकार मन के दल पहुंचिस रायपुर

रायपुर, राष्ट्रीय आदिवासी नृत्य महोत्सव म भाग लेहे बर पूर्वी आफ्रिका के युगांडा देश के छै जनजातीय कलाकार मन के दल रायपुर पहुंच गए हे। दल प्रमुख श्री अकेलो केली ह बताइस कि युगांडा म जन्मदिन के अवसर म विशेष नृत्य के आयोजन होथे। युगांडा के कलाकार मन कोति ले ऊंखर देश म होवइया छे प्रकार के नृत्य प्रस्तुत करहीं। जेमां अम्बागुबु, उडुंगु, ओरगेजे, बकसिम्बा, लरकरका, अमरम्बा नामक नृत्य प्रस्तुत करे जाही। युगांडा के कलाकार मन ह आज अपन नृत्य के प्रदर्शन करके घलोक देखाइन। ओ सबो कलाकार मन बहुत खुश नजर आवत रहिन अऊ मनखे मन के संग फोटो घलोक खिचंवात रहिन।