अम्बिकापुर के उमेश प्रसाद गुप्ता के खेती ला मिलिस डबरी ले नया सहारा, मछली पालन ले होई उपरहा आमदनी

CHHATTISGARHI NEWS: अम्बिकापुर। सरगुजा जिला के अम्बिकापुर विकासखंड के ग्राम पंचायत बकिरमा निवासी श्री उमेश प्रसाद गुप्ता के निजी भूमि म बने डबरी उंकर खेती अउ आजीविका दुनो खातिर बड़का सहारा बन गए हे। पहिली सिंचाई के पर्याप्त साधन नइ होने के सेती खेती म पानी के व्यवस्था करना अड़बड़ कठिन रहिस, फेर ग्रामीण रोजगार योजना के तहत वोकर निजी जमीन म 3 लाख रूपिया के लागत ले डबरी के निर्माण करे गीस, जेकर से अब वोकर खेत खातिर पानी के के व्‍यवस्‍था हो गए हे।
डबरी के लाभ सिरिफ सिंचाई तक सीमित नइ हे, बल्कि मत्स्य विभाग के सहयोग ले वोला मछरी के बीजा घलव मिले हे, जेकर उपयोग करके वो ह डबरी म मछली पालन शुरू करे हे। मछली के तियार होए के बाद वोला बेंचे ले परिवार ला उपरहा आमदनी मिले के भरोसा हे। एकेच जल संरचना ले खेती के सिंचाई अउ मछली पालन के रूप म आय के दुहरा माध्यम मिले ले उमेश गुप्ता ह अड़बड़ खुश हे। वो ए योजना के लाभ मिले खातिर प्रधानमंत्री नरेंद्र मोदी अउ मुख्यमंत्री विष्णु देव साय के प्रति आभार व्यक्त करे हे। ए कहानी बताथे के जल संरक्षण अउ आजीविका के समन्वय ले ग्रामीण परिवार के संसाधन कइसे मजबूत होवत हे।