महासमुन्द, 11 नवम्बर 2020। तेज रफ्तार ट्रेक्टर के चपेट म आए ले युवक के मउका म ही मउत होगे। घटना के बाद ड्राइवर मउका ले फरार होगे। मृतक के नाम प्रांजल चन्द्राकर बताय जावत हे। प्रांजल महासमुन्द के नगर पालिका म कम्प्यूटर ऑपरेटर के काम करत रिहिस। मिले जानकारी के अनुसार बीते कल प्रांजल अपन बहन ल बैंक छोड़े बर गे रिहिस। प्रांजल बहन ल बैंक म छोड़ के अपन स्कूटी म जावत रिहिस। तभे तेज रफ्तार ट्रेक्टर ह प्रांजल (24) ल रौंद दीस। ट्रेक्टर के रफ्तार अतेक रिहिस कि प्रांजल सड़क म घसीटत चले गीस। घटना के बाद ट्रेक्टर ड्राइवर मउका ले भाग निकलीस। पुलिस घटना स्थल म पहुंचके मामला के जांच करत हे। पुलिस ह पोस्टमार्टम करके शव परिजन मन के सुपुर्द कर देहे हे।
गुरतुर गोठ बर- भीषम वर्मा