ऑटो अनियंत्रित होके पलटीस, 2 महिला मन के मउत

धमतरी, 5 फरवरी 2021। ऑटो पलटे ले 5 महिला मन घायल होगे, जबकि 2 महिला के मउत इलाज के दौरान होगे हे। महिला मन बिहाव म शामिल होय बर जावत रहिस तभे रस्ता म अनियंत्रित होके ऑटो पलटगे जोन म 10 लोगन सवार रहिस। बताये जावत हे कि ऑटो सवार लोगन बिहाव म शामिल होय लसुनवाहि ले हार्राकोठी गांव जावत रहिस। हर्राकोठी ढलान म तेज रफ्तार होय के सेती ले ऑटो अनियंत्रित होकर पलटगे । एखर ले ऑटो सवार 7 महिला ल गम्भीर रूप ले घायल होगे । एमा दू महिला कुंज बाई यादव उम्र 65 बछर अउ अमरीका यादव उम्र 38 बछर के इलाज के दौरान मउत होगे। सबो घायल मन ल संजीवनी एक्सप्रेस के मदद ले प्राथमिक उपचार बर जिला अस्पताल लाये गिस, जिहां घायल मन के इलाज जारी हे।