31 मार्च 2020। मुख्यमंत्री श्री भूपेश बघेल के पहल म जम्मू-कश्मीर म फंसे छत्तीसगढ़ के एक हजार मजदूर मन के रूके-खाए-पिए संग आन जरूरी व्यवस्था ठउका करे गए हे। लॉकडाउन के सेती जम्मू-कश्मीर म छत्तीसगढ़ के एक हजार मजदूर के फंसे होए के सुचना आज भिनसरहा सीएम ल मिलिस। मुख्यमंत्री श्री भूपेश बघेल ह तुरंते श्रम विभाग के सचिव श्री सोनमणि बोरा ल ए मजदूर मन बर जरूरी व्यवस्था करे के हुकुम करिन। जेकर पाछू श्रम विभाग के सचिव श्री बोरा ह जम्मू-कश्मीर के मुख्य सचिव श्री बी.व्ही.आर. सुब्रमण्यम ले बात करिन अऊ छत्तीसगढ़ के ए मजदूर मन बर सबो जरूरी व्यवस्था करे के अनुरोध करिन। जेकर बाद जम्मू-कश्मीर प्रशासन कोति ले छत्तीसगढ़ के जम्मू म फंसे ए एक हजार श्रमिक मन के ठहरे-भोजन संग आन जरूरी व्यवस्था ठउका कर दीन। येमा जांजगीर चांपा जिला के 500 ले 600, बलौदा बाजार अऊ रायगढ़ जिला के करीब- 250-250 अऊ बिलासपुर के 50 ले 60 मजदूर सामिल हे जिंकर ठहरे अऊ भोजन आदि के व्यवस्था ठउका कराए गए हे।
मुख्यमंत्री श्री बघेल के पहल म जम्मू-कश्मीर म फंसे छत्तीसगढ़ के एक हजार मजदूर मन के रूके अऊ जेवन के होइस व्यवस्था
