रायपुर, 15 सितमबर 2024। मुख्यमंत्री श्री विष्णु देव साय के हुकुम के मुताबिक राज्य ल कुपोषण मुक्त करे खातिर सार्थक प्रयास करे जात हे। आंगनबाड़ी केन्द्र मन म लइका उत्साह ले भाग लेवत हें। नवाचार गतिविधि मन ले लइका मन के उत्साह वर्धन करे जात हे। पोषण संबंधित देख-भाल बर पोषण महिना के आयोजन राज्य के कई ठन जिला मन म करे जात हे।
जानबा हे कि पोषण अभियान अंतर्गत लइका मन के वजन म बढ़ोत्तरी ल नापे के संग वजन त्यौहार, चौपाल, अन्नप्राशन दिवस, परिवार चौपाल, पोषण मेला, व्यंजन प्रदर्शन जइसन आयोजन पंचायत अऊ शहरी क्षेत्र मन म करे जात हे। पोषण के प्रति लइका मन ल जागरूक करे बर स्कूल मन म नारा लेखन, निबंध, चित्रकला अऊ दीवार लेखन प्रतिस्पर्धा घलोक आयोजित करे जात हे।
सबो आंगनबाड़ी केंद्र मन म घलोक समूह बैठक म वजन त्यौहार के बारे म चर्चा होवत हे। ग्रामीण महिला मन ले चर्चा के समय शून्य ले 06 साल तक के लइका, किशोरी बालिका मन के खान-पान अऊ स्वास्थ्य देखभाल के बारे म खांटी जानकार जानकारी देवत हें हे। गर्भवती महिला मन ल पौष्टिक आहार भोजन म सामिल करे के आग्रह करे जात हे।
पोषण महिना अभियान के तहत जशपुर जिला म करीब 4315 आंगनबाड़ी केंद्र मन म पोषण महिना अभियान चलाय जात हे, जेखर लाभ जिला के 76 हजार ले जादा लइका मन ल मिलही।
