दुर्ग, 16 अप्रैल 2020। जल जनित बीमारी पीलिया ले बचाव बर निगम ह क्लोरीन टेबलेट बांट के एखर उपयोग के जानकारी नागरिक मन ल देहे जात हे। निगम क्षेत्र म डेंगू ले बचाव बर मलेरिया आयल अउ मैलाथियान के छिड़काव करे जात हे अऊ निगम के टीम अउ मितानी मन घर म जाके सर्दी, खांसी अउ बुखार ले पीड़ित मरीज मन ले तुरंत चिकित्सकीय परामर्श लेहे के सलाह देहे जात हे। निगम प्रशासन आमजन ले अपील करत हे के अपन घर अउ आस-पास साफ सफाई बनाके रखव अऊ पीलिया ले बचाव बर उबले अउ स्वच्छ पेयजल के ही उपयोग पीए बर करव।
भिलाई निगम के सबो जोन कार्यालय मन के स्वच्छता कर्मचारी मन पीलिया जइसे जलजनित बीमारी मन ले बचाव बर जोन क. 01 के 809 घर म 8070 क्लोरीन टैबलेट, जोन कं.02 म 500 घरों म 3000 नग क्लोरीन टैबलेट, जोन कं. 03 के 340 घरों म 1880 नग क्लोरीन टैबलेट अऊ जोन कं. 04 के 580 घर म 4400 नग क्लोरीन टैबलेट वार्ड मन म आज घर-घर जाके पानी के शुद्धता बर वितरण करे गीस। संगेच बताए गीस के उबला अऊ साफ छने पानी पीयव ताकि कोनो प्रकार के जलजनित बीमारी झन होवय। पानी जमाव वाले स्थान म लार्वा उत्पन्न झन होवय एला रोके बर नाली मन म जले आइल, अउ कूलर आदि म टेमीफास के छिड़काव करे जात हे अऊ मच्छर के काटे ले होवइया बीमारी ले बचे बर भिलाई निगम प्रशासन ह रोजेच संझा स्पेयर अउ व्हीकल माउंटेड के माध्यम ले फागिंग करे जात हे। निगम के वार्ड -17 वृन्दानगर के आन्ध्रा स्कूल, शिव हनुमान मंदिर, आंगनबाड़ी केंद्र, मितानिन निवास के आसपास, स्पेयर ले मच्छर उन्मूलन बर फागिंग कराए गए हे।
