अविवादित नामांतरण अऊ बंटवारा के प्रकरण मन के लउहे करव निराकरण : श्री भूपेश बघेल

रायपुर, मुख्यमंत्री श्री भूपेश बघेल ह आज अपन निवास कार्यालय म राजस्व विभाग के काम मन के समीक्षा के बेरा म अविवादित नामांतरण अउ बंटवारा के लंबित राजस्व प्रकरण मन के लउहे निराकरण के हुकुम दीन। उमन कहिन कि जमीन के सीमांकन संबंधित प्रकरण मन के 31 मई तक निपटारा करव, संगेच भू-अभिलेखों के दुरूस्तीकरण संबंधित प्रकरण मन के विशेष रूप ले अभियान चला के दू महिना म निराकृत करव। ये मां नक्शा बटांकन, अभिलेख दुरूस्तीकरण जइसे लंबित प्रकरण सामिल हे। उमन पटवारी मन के मुख्यालय म उपस्थिति ठउका करे अऊ तहसील मन म खाली पद मन के भर्ती जल्द करे के हुकुम देहे हें।
बैठक म राजस्व मंत्री श्री जयसिंह अग्रवाल, मुख्य सचिव श्री अमिताभ जैन, अपर मुख्य सचिव श्री सुब्रत साहू, राजस्व सचिव श्री एन.एन. एक्का, संचालक भू-अभिलेख श्री धर्मेश साहू, मुख्यमंत्री के उपसचिव सुश्री सौम्या चौरसिया, संचालक जनसम्पर्क श्री सौमिल रंजन चौबे उपस्थित रहिन।
समीक्षा बैठक के समय अधिकारी मन ह राजस्व प्रकरण मन के निराकरण अऊ राजस्व विभाग के कई योजना मन के जानकारी दीन। मुख्यमंत्री श्री बघेल ह कहिन कि राजीव गांधी ग्रामीण भूमिहीन कृषि मजदूर न्याय योजना देश म अपन आप मन म एक अनूठा योजना ये, जेमां भूमिहीन श्रमिक मन ल सलाना 7000 रूपिया के सहायता प्रदान करे जात हे। जेन हितग्राही मन ल राशि देहे जात हे ओ मन ल राशि मिले के पहिली ग्राम पंचायत स्तर म सूचना देहे जाय अऊ हर किस्त के भुगतान के समय लिखित सूचना देहे जाय। मुख्यमंत्री ह अविवादित नामांतरण, बटवारा, सीमांकन, व्यपर्वतन के प्रकरण मन के समय सीमा म निराकरण बर कलेक्टर मन ल पत्र लिखे के निर्देश राजस्व सचिव ल दीन। मुख्यमंत्री ह नजूल अऊ स्लम पट्टा मन म हितग्राही मन ल भू-स्वामी अधिकार प्रदान करे के काम म तेजी लाय के निर्देश दीन। उमन कहिन कि ये संबंध म घलोक कलेक्टर मन ल पत्र भेजे जाय।