धमेन्द्र निर्मल के सार समाचार, ठाकुर प्यारेलाल पंचायत अउ ग्रामीण विकास संस्थान, निमोरा, रायपुर म भारत सरकार सामाजिक नियाय अउ अधिकारिता मंत्रालय, नवा दिल्ली प्रवर्तित प्रधानमंत्री आदर्श ग्राम योजना संबंधी प्रशिक्षण कार्यक्रम पाछू दिन सपन्न होइस। ये कार्यक्रम के प्रमुख उद्देश्य 50 प्रतिशत ले अधिक अनुसूचित जाति जनसंख्या वाले चुनिंदा गांव मन के एकीकृत विकास करके उन मन ल राष्ट्र की मुख्य धारा संग जोड़ना हे। प्रशिक्षण सत्र के पहिली खेपी म 20-21 मई के 13 जिला अउ दूसरइया खेपी म 22-23 मई के 6 जिला के जिला स्त्रोत दल के सदस्य मन ल प्रशिक्षण दिए गइस।
प्रशिक्षण कार्यक्रम के माध्यम ले प्रतिभागी मन ल योजना ले संबंधित जम्मो पहलु मन के जानकारी दिए गइस। एमा ग्राम विकास योजना तियार करत खानी पर्याप्त सावधानी रखे के आवश्यकता उपर बल दिए गइस। संगे संग अउ आने विभाग मन के संग आपसी तालमेल अउ लोगन मन म जन जागरूकता लाने बर घलो विशेष जोर दिए गइस, ताकि एक सामूहिक उदीम के माध्यम ले योजना के उद्देश्य मन ल प्राप्त करे जा सकय।
प्रशिक्षण सत्र में आदिम जाति विभाग के सचिव-सह आयुक्त श्री डी.डी. सिंह अउ उपायुक्त श्री प्रज्ञान सेठ डाहर ले प्रधानमंत्री आदर्श ग्राम योजना के उद्देश्य अउ योजना ले संबंधित किसम किसम के पहलू मन के विस्तार ले जानकारी दिए गइस। प्रशिक्षण सत्र ल छत्तीसगढ़ प्रशासन अकादमी के अपर संचालक श्री सुभाष मिश्रा, आदिम जाति विभाग के उपायुक्त श्री संजय गौड़ के संगे संग अब्बड़ झन अधिकारी मन डाहर ले संबोधित कर प्रशिक्षणार्थी मन के जिज्ञासा के समाधान करे गइस।
चटकारा
अघनू:- ये साले दर्राहा बइला ह नवा बइला के नवा सींग चल रे बइला टींगे टींग कस चारेच दिन भर बने रेंगिस ताहेन धपोर दिस यार।
सगनू:- अरे कोचिया मन बड़ चलाक होथे गा कोढ़िया बइला ल तको सीखो पढ़ो के बेच डारथे।
