मुख्यमंत्री श्री साय ले केंद्रीय कृषि अऊ किसान कल्याण मंत्री श्री अर्जुन मुंडा ह करिन सौजन्य मुलाकात

रायपुर 09 जनवरी 2024। मुख्यमंत्री श्री विष्णु देव साय ले आज संझा राज्य अतिथि गृह ‘पहुना‘ म केंद्रीय कृषि अऊ किसान कल्याण मंत्री श्री अर्जुन मुंडा ह सौजन्य मुलाकात करिन। मुख्यमंत्री श्री साय ल केंद्रीय मंत्री श्री मुंडा ह छत्तीसगढ़ के मुख्यमंत्री के पदभार ग्रहण करे म हार्दिक बधाई अउ शुभकामना दीन। ये बेरा म मुख्यमंत्री श्री साय ह श्री मुंडा ल स्मृति चिन्ह भेंट करके सम्मानित करिन।
ये बेरा म मौजूद उपमुख्यमंत्री श्री अरूण साव ल घलोक केन्द्रीय मंत्री श्री मुंडा ह नवा दायित्व बर बधाई अऊ शुभकामना दीन। केंद्रीय कृषि अऊ किसान कल्याण मंत्री श्री अर्जुन मुंडा ह कहिन कि श्री साय के नेतृत्व म छत्तीसगढ़ प्रगति के रद्दा म सरलग आगू बढही। मुख्यमंत्री श्री विष्णु देव साय अऊ उपमुख्यमंत्री श्री साव ह श्री मुंडा के प्रति आभार व्यक्त करिन।