- कोयला उत्पादन अउ खनन ले जुड़े मुद्दा मन उपर होइस सकारात्मक चर्चा
- अकतहा लेवी के रूप म केन्द्र तीर जमा 4140 करोड़ रूपिया के राशि राज्य सरकार ल देहे के मांग
- एलीफेंट कॉरीडोर अऊ सघन वन क्षेत्र मन म स्थित कोयला खदान मन ल आगामी नीलामी ले अलग रखे के प्रस्ताव म केन्द्रीय कोयला मंत्री ह दीन सहमति
- कोल इंडिया राज्य सरकार के एजेन्सी के माध्यम ले राज्य के लघु उद्योग मन ल उपलब्ध कराही जरूरत मुताबिक कोयला
- खाली कोयला खदान मन म जमा पानी के उपयोग अऊ फ्लाईऐश के डिस्पोजल बर केन्द्र अऊ राज्य के अधिकारी मन के संघरा दल गठन करे के सहमति
रायपुर, 31 जुलाई 2020। मुख्यमंत्री श्री भूपेश बघेल के संग केन्द्रीय कोयला अउ खनिज मंत्री श्री प्रहलाद जोशी के आज इहां मुख्यमंत्री निवास म आयोजित बैठक म छत्तीसगढ़ म कोयला उत्पादन अउ खान के कई मुद्दा मन उपर विस्तार ले चर्चा करे गीस। मुख्यमंत्री ह बैठक म एलीफेंट कॉरीडोर अऊ सघन वन क्षेत्र मन म स्थित कोयला खदान मन ल कोल ब्लॉक्स के आगामी नीलामी ले अलग रखे के प्रस्ताव रखत ए खदान मन के जगा म राज्य म स्थित आन कोयला क्षेत्र मन ल चिन्हित करे के सुझाव रखिन, जऊन म केन्द्रीय कोयला मंत्री श्री जोशी ह सहमति व्यक्त करिन।
बैठक म कोयला मंत्रालय के सचिव श्री अनिल कुमार जैन, कोल इंडिया लिमिटेड के चेयरमेन श्री प्रमोद अग्रवाल, एसईसीएल के सीएमडी श्री ए. पी. पण्डा, मुख्यमंत्री के अपर मुख्य सचिव श्री सुब्रत साहू, प्रमुख सचिव वन श्री मनोज पिंगुआ, मुख्यमंत्री के सचिव श्री सिद्धार्थ कोमल परदेशी, खनिज विभाग के सचिव श्री अन्बलगन पी., पीसीसीएफ श्री राकेश चतुर्वेदी अऊ संचालक खनिज श्री समीर विश्नोई संग केन्द्र अऊ राज्य सरकार के वरिष्ठ अधिकारी उपस्थित रहिन।