- छत्तीसगढ़ ल शक्कर के विक्रय बर 50 हजार मीट्रिक टन के कोटा एकमुश्त जारी करे के करिन आग्रह
- कोटा सिसटम होए ले कारखाना मन म उत्पादित शक्कर के नइ हो पावत हे विक्रय
- प्रतिकूल वित्तीय स्थिति के सेती गन्ना उत्पादक किसान मन ल भुगतान म आवत हे दिक्कत
- प्रदेश के चारों शक्कर कारखाना मन म 87 हजार मीट्रिक टन ले जादा शक्कर के भण्डारण
- शक्कर कारखाना ले उत्पादित शक्कर गन्ना किसान मन ल उंखर मांग अनुसार विक्रय करे के छूट देहे जाय
रायपुर, 27 अप्रैल 2020। मुख्यमंत्री श्री भूपेश बघेल ह केन्द्रीय खाद्य, नागरिक आपूर्ति अउ उपभोक्ता मंत्री श्री राम विलास पासवान ल चिट्ठी लिखके प्रदेश के गन्ना कृषक मन के समस्या मन कोति उंखर ध्यान आकर्षित करे हें। श्री बघेल ह छत्तीसगढ़ ल शक्कर के विक्रय बर 50 हजार मीट्रिक टन के कोटा एकमुश्त जारी करे अऊ ये विशेष हालत म हर एक महिना जारी होवइया कोटा ले एला मुक्त रखे के आग्रह करे हें। उमन चिट्ठी म लिखे हें के शक्कर विक्रय बर कोटा निरधारित होए के सेती प्रदेश के सहकारी शक्कर कारखाना ले उत्पादित शक्कर के विक्रय नइ हो पावत हे। संगेच कोटा सिसटम होए ले प्रदेश के कारखाना म पहिली के सीजन के शक्कर के विक्रय घलोक नइ हो पाए हे। अभी हाल सीजन म पेराई चालू हो जाय ले अकतहा शक्कर के स्टाक लगातार बाढ़त हे, फेर विक्रय नइ होए ले निर्मित प्रतिकूल वित्तीय स्थिति के सेती गन्ना उत्पादक किसान मन ल भुगतान घलोक नइ हो पात हे।
