रायपुर, 17 सितमबर 2024। मुख्यमंत्री श्री विष्णु देव साय ले आज इहां ऊंखर निवास म केंद्रीय इस्पात अउ भारी उद्योग मंत्री श्री एच.डी. कुमार स्वामी ह सौजन्य मुलाकात करिन। मुख्यमंत्री श्री साय ह केंद्रीय मंत्री श्री कुमार स्वामी के अपन निवास म आत्मीय स्वागत करिन। मुख्यमंत्री ह श्री कुमारस्वामी ल शॉल अउ स्मृति चिन्ह भेंट करिन।
मुख्यमंत्री श्री साय ह केंद्रीय मंत्री श्री कुमार स्वामी के संग अनौपचारिक चर्चा के समय सेल अऊ एनएमडीसी के प्रोडक्शन बढ़ाए, दुनों उपक्रम अऊ राज्य सरकार के मध्य अऊ बेहतर समन्वय ले संबंधित कई ठन विषय मन उपर विचार विमर्श करिन। मुख्यमंत्री ह कहिन कि दुनों उपक्रम सेल अऊ एनएमडीसी ल सीएसआर मद के काम मन ल अऊ जादा गति देहे के जरूरत हे। उमन कहिन कि नगरनार अंचल म स्थानीय युवा मन के कौशल उन्नयन के काम बने सहिन करे जाए, ताकि युवा मन ल रोजगार के अच्छा अवसर मिल सकय।
जानबा हे कि छत्तीसगढ़ म दू दिन के दौरे म आये केन्द्रीय मंत्री श्री कुमार स्वामी बस्तर के नगरनार स्टील प्लांट अऊ भिलाई स्टील प्लांट के निरीक्षण करे के बाद आज राजधानी रायपुर पहुंचिन।
सेल के चेयरमेन श्री अमरेन्दु प्रकाश, एनएमडीसी के सीएमडी श्री अमिताव मुखर्जी, मुख्यमंत्री अऊ खनिज साधन विभाग के सचिव श्री पी.दयानंद, मुख्यमंत्री के सचिव डॉ. बसवराजू एस. अऊ श्री राहुल भगत, भिलाई इस्पात संयंत्र के निदेशक श्री अनिर्बान दासगुप्ता घलोक ए बेरा म उपस्थित रहिन।