धैर्य, समर्पण अऊ सतत प्रयास ले मंजिल मिलना तय- श्रीमती रेणुका सिंह
सुकमा, एक दिन के सुकमा दौरा के बेरा म केन्द्रीय राज्य मंत्री, जनजातीय मामला मंत्रालय, भारत सरकार, श्रीमती रेणुका सिंह ह स्वामी विवेकानन्द युवा शक्ति केन्द्र परिसर के अवलोकन करिन। ये बेरा म उमन जिला ग्रन्थालय, कोचिंग सेन्टर, जिम के अवलोकन करिन अऊ छात्र मन ले चर्चा करिन।
उमन कहिन कि सुकमा जइसे दूरस्थ नक्सल प्रभावित क्षेत्र म युवा मन ल प्रतियोगी परीक्षा बर बेहतर माहौल प्रदान करना जिला बर बड़का उपलब्धी ये। सुकमा जइसे छोटे जगा म दिल्ली जइसे कोचिंग सुविधा मुहैया कराए जात हे। इहां के सुविधा के लाभ लेके युवा निश्चित तौर ले प्रतियोगी परीक्षा म बनेच नम्बर पा के प्रशासनिक पद म काबिज होहीं। उमन पुस्तकालय म यूपीएससी परीक्षा के तैयारी करत अनुराग शर्मा अउ आन ले चर्चा करिन। संगेच मन लगाके पढ़े अऊ कड़ा मेहनत करके उच्च प्रशासनिक पद म काबिज होए के शुभकानाएं दीन।
ये बेरा म कलेक्टर श्री विनीत नन्दनवार, पुलिस अधीक्षक श्री सुनील शर्मा, जिला पंचायत सीईओ श्री देवनारायण कश्यप, एसडीएम सुकमा सुश्री प्रीति दुर्गम, तहसीलदार श्री प्यारेलाल नाग, नायब तहसीलदार श्री महेन्द्र लहरे घलोक संग रहिन।
सुकमा के युवा शक्ति केन्द्र जिला के बड़का उपलब्धी
