रायपुर, 13 मार्च 2020। सरगुजा सांसद अउ केंद्रीय राज्य मंत्री श्रीमती रेणुका सिंह ह आज खाद्य मंत्री श्री अमरजीत भगत के पैतृक गांव पार्वतीपुर पहुंचके ऊंखर स्वर्गीय पिता श्री दखलु राम भगत ल श्रद्धांजलि अर्पित करिन। श्रीमती रेणुका सिंह ह शोक संतप्त परिवार ल ये कठिन घड़ी म शक्ति प्रदान करे के ईश्वर ले प्रार्थना करिन। श्री अमरजीत भगत के 80 बछर के पिता श्री दखलु राम भगत के 9 मार्च के रायपुर के एक निजी अस्पताल म निधन हो गए रहिस।
शोक संतप्त परिवार ल ये दुखद घड़ी म शोक संवेदना अउ श्रद्धांजलि अर्पित करे बर सरगुजा विकास प्राधिकरण के अध्यक्ष खेलसाय सिंह, सरगुजा कमिश्नर श्री इमिल लकड़ा, पुलिस महानिरीक्षक श्री रतनलाल डांगी, कलेक्टर श्री दीपक सोनी, पुलिस अधीक्षक सूरजपुर श्री राजेश कुकरेजा, बलरामपुर कलेक्टर श्री संजीव झा, बलरामपुर पुलिस अधीक्षक, जशपुर कलेक्टर निलेश कुमार महादेव क्षीरसागर, पूर्व विधायक श्रीमती रजनी त्रिपाठी संग जनप्रतिनिधि अउ नागरिक मन ह खाद्य मंत्री अमरजीत भगत के पैतृक गांव पार्वतीपुर पहुंचके शोक संतप्त परिवारजन ल ये कठिन घड़ी म शक्ति प्रदान करे के ईश्वर ले कामना करिन।