मुख्यमंत्री श्री विष्णु देव साय ले केंद्रीय राज्यमंत्री श्री रामदास अठावले ह करिस सौजन्य मुलाकात

रायपुर, मुख्यमंत्री श्री विष्णु देव साय ले आज मंत्रालय महानदी भवन म केंद्रीय सामाजिक न्याय अउ अधिकारिता राज्य मंत्री श्री रामदास अठावले ह सौजन्य मुलाकात करिन। मुख्यमंत्री श्री साय ह शॉल, श्रीफल अउ स्मृति चिन्ह भेंट करके उंखर आत्मीय स्वागत करिन।
मुख्यमंत्री श्री साय ह ए अवसर म राज्य शासन कोति ले सामाजिक अउ शैक्षणिक रूप ले पिछड़ा वर्ग, वृद्धजन अउ दिव्यांगजन मन बर संचालित योजना मन के संबंध म विस्तृत चर्चा करिन। उमन केंद्र प्रवर्तित योजना मन के प्रभावी क्रियान्वयन के प्रति राज्य सरकार के प्रयास मन के जानकारी दीन।
केंद्रीय राज्यमंत्री श्री अठावले ह छत्तीसगढ़ सरकार कोति ले चलाए जात सामाजिक कल्याण कार्यक्रम मन के सराहना करत कहिन के राज्य सरकार केंद्र के योजना मन ल जमीनी स्तर तक पहुंचाए म सक्रिय भूमिका निभावत हे। उमन कहिन के केंद्र अउ राज्य सरकार समन्वय के संग समाज के कमजोर वर्ग के उत्थान बर समर्पित भाव ले काम करत रइही। ए बेरा म वन मंत्री श्री केदार कश्यप घलोक उपस्थित रहिन।