छत्तीसगढ़ के चार प्रमुख रेल परियोजना मन जल्दी शुरू होही

रेल मंत्री ह परियोजना मन म तेजी से काम के दीन आश्वासन
मुख्यमंत्री श्री विष्णु देव साय ह केंद्रीय रेल मंत्री ले रेल परियोजना मन उपर करिन चर्चा

रायपुर, 17 जुलाई 2024। छत्तीसगढ़ के मुख्यमंत्री श्री विष्णु देव साय ह आज नई दिल्ली म रेल मंत्री श्री अश्विनी वैष्णव ले मुलाकात करके राज्य के कई ठन नवा रेल परियोजना मन उपर चर्चा करिन। रेल भवन म होए बैठक म मुख्यमंत्री श्री साय ह राज्य के सामाजिक अऊ आर्थिक विकास बर रेल नेटवर्क के विस्तार के जरूरत उपर जोर दीन। उमन ए बेरा  राज्य के चार प्रमुख रेल परियोजना धर्मजयगढ़-पत्थलगांव-लोहरदगा नवा लाइन परियोजना, अंबिकापुर-बरवाडीह नवा लाइन परियोजना, खरसिया-नया रायपुर-परमलकसा नवा रेल लाइन परियोजना  अऊ रावघाट-जगदलपुर नवा रेल लाइन परियोजना ल जल्द शुरू करे के आग्रह करिन।

धर्मजयगढ़-पत्थलगांव-लोहरदगा नवा लाइन परियोजना (240 किमी)

मुख्यमंत्री श्री साय ह बताइन के ये परियोजना क्षेत्र के सामाजिक अउ आर्थिक विकास बर जरूरी हे। ये पत्थलगाँव, कुनकुरी, जशपुर नगर, गुमला आदि महत्वपूर्ण शहर मन ल जोड़थे। ये उत्तरी छत्तीसगढ़ ल झारखंड ले जोड़ही। ए परियोजना के माध्यम ले औद्योगिक (कोरबा) क्षेत्र ल लोहरदगा ले जोड़े के योजना हे। एखर अकतहा, ये ह, क्षेत्र ल पहिली कोरबा अऊ रांची ले होके मध्य भारत ले जोड़ही। परियोजना के अनुमानित लागत लगभग 16,000 करोड़ रुपिया हे।

अंबिकापुर-बरवाडीह नवा लाइन परियोजना (200 किमी)

ए परियोजना के मांग आजादी के पहिली 1925 म करे गए रहिस। 1948 म मंजूरी मिले के बाद घलोक ये परियोजना अब तक अधूरा हे। मुख्यमंत्री ह बताइस कि ये परियोजना अंबिकापुर (उत्तरी छत्तीसगढ़) ल बरवाडीह (झारखंड) ले जोड़ही अऊ परसा, राजपुर, चंदनपुर आदि शहर मन ल जोड़ही। ए परियोजना के माध्यम ले देश के उत्तरी अऊ पूर्वी हिस्सा म कोयला अऊ आन खनिज के परिवहन बर वैकल्पिक मार्ग उपलब्‍ध होही। परियोजना के अनुमानित लागत लगभग 9000 करोड़ रुपिया हे।

खरसिया-नया रायपुर-परमलकसा नवा रेल लाइन परियोजना (277 किमी)

मुख्यमंत्री ह बताइस कि ये परियोजना देश के पश्चिमी क्षेत्र म एसईसीएल अऊ एमसीएल कोयला क्षेत्र मन के निकासी बर एक वैकल्पिक मार्ग प्रदान करही। ये बिलासपुर अऊ रायपुर स्टेशन मन ल बायपास करत बलौदाबाजार क्षेत्र ल कनेक्टिविटी प्रदान करही। परियोजना के अनुमानित लागत लगभग 8000 करोड़ रुपिया हे।

रावघाट-जगदलपुर नवा रेल लाइन परियोजना (140 किमी)

रेलवे पहिली ले ही दल्ली-राजहरा-रावघाट 95 किमी नवा रेलवे लाइन के निर्माण करत हे। मुख्यमंत्री साय ह सुझाव दीन के ए लाइन ल जगदलपुर तक बढ़ाए जाय, ताकि आदिवासी क्षेत्र के आर्थिक अऊ सामाजिक विकास करे जा सकय। ये परियोजना छत्तीसगढ़ के खनिज समृद्ध क्षेत्र ले इस्पात उद्योग मन तक लौह अयस्क के निकासी के कुशल अऊ पर्यावरण अनुकूल साधन प्रदान करही। परियोजना के अनुमानित लागत लगभग 3500 करोड़ रुपिया हे।

बैठक के समय केंद्रीय रेल मंत्री श्री अश्विनी वैष्णव ह ए परियोजना मन के संभावना अऊ लाभ मन ल स्वीकार करिन अऊ ए म तेजी ले काम करे के आश्वासन दीन। उमन कहिन कि ये परियोजना मन राज्य के पूरा विकास बर महत्वपूर्ण हे अऊ रेलवे मंत्रालय ए ल प्राथमिकता देही।