छत्तीसगढ़ के विकास म संयुक्त राष्ट्र के संस्था करही सहयोग

राज्य योजना आयोग के यू.एन. रेजीडेण्ट कॉर्डिनेटर के संग बैठक म सहमति

रायपुर, राज्य के विकास म यूनाइटेड नेशंस के कई संस्था मन सहयोग करहीं। ये संबंध म सुकरवार के दिन राज्य योजना आयोग छत्तीसगढ़ अउ यूएन रेजीडेण्ट कॉर्डिनेटर के बैठक म सहमति व्यक्त करे गीस। बैठक म यूएन रेजीडेण्ट कॉर्डिनेटर सुश्री रेनेटा लोक डेसालिएन, छत्तीसगढ़ राज्य योजना के उपाध्यक्ष श्री अजय सिंह, राज्य योजना आयोग के सदस्य डॉ. के. सुब्रमणियम, मुख्यमंत्री के सलाहकार श्री प्रदीप शर्मा अउ शासन के विभाग मन के प्रमुख अधिकारी मन अउ यूएन एजेंसी मन के प्रमुख अधिकारी उपस्थित रहिन। बैठक म यूएन के सुश्री रेनेटा ह कहिन कि ओ मन छत्तीसगढ़ के दौरा म फेर आहीं तब तक छत्तीसगढ़ म प्राथमिकता वाले काम मन के प्रस्ताव शासन के विभाग तियार कर लय। तियार प्रस्ताव मन उपर चर्चा करके सहयोग करे के कार्रवाई करे जाही। बैठक म सुश्री रेनेटा ह छत्तीसगढ़ के आतिथ्य के सराहना करिन अऊ आश्वासन दीन के ओ मन अधिकारी मन कोति ले दिए गए प्रस्ताव अउ आग्रह म यूएन एजेंसी मन ले वार्ता करहीं।