मुख्यमंत्री श्री भूपेश बघेल के हुकुम म ए साल विश्वविद्यालय मन म ऑनलाईन होही परीक्षा

रायपुर, मुख्यमंत्री श्री भूपेश बघेल के हुकुम म चालू अकादमिक कैलेण्डर साल 2021-22 बर अब विश्वविद्यालय मन के बांचे सबो परीक्षा मन ऑनलाईन/ब्लैण्डेड मोड म आयोजित करे जाही। जानबा हे कि विश्वविद्यालय के सुझाव अऊ छात्र-छात्रा मन के मांग म उच्‍च शिक्षा विभाग कोति ले ये संबंध म आदेश जारी कर देहे गए हे।
जारी आदेश म कहे गए हे कि उच्‍च शिक्षा विभाग ह कोविड-19 महामारी के सेती मार्च 2020 ले लागू लॉकडाउन ले उत्पन्न विशिष्ट परिस्थिति मन ल ध्यान म रखत विश्वविद्यालय अनुदान आयोग के उच्‍च शिक्षण संस्थान मन के अकादमिक कैलेंडर, अध्यापन पद्धति अउॅ परीक्षा आयोजन के संबंध म दिशा-निर्देश जारी करे हे।
विश्वविद्यालय अनुदान आयोग के पत्र 11 फरवरी 2022 म सबो उच्‍च शिक्षण संस्थान मन ल क्षेत्रीय हालत के आधार म शिक्षण संस्थान खोले, क्लास रूम के संचालन करे अऊ परीक्षा मन के ऑफलाईन, ऑनलाईन या ब्लैण्डेंड मोड म आयोजन करे के संबंध म निर्णय लेहे के अधिकार देहे हे।
आदेश म कहे गए हे कि कोविड-19 संक्रमण के दूसर अऊ तीसर लहर के सेती राज्य म शिक्षा सत्र 2021-22 के अध्यापन कार्य विलम्ब ले चालू होए रहिस, जेखर परिणाम स्वरूप पाठ्यक्रम विलम्ब ले पूरा होइस अऊ परीक्षा मन घलोक विलम्ब ले ही आयोजित करे जाना प्रस्तावित हे। वार्षिक परीक्षा मन के आयोजन आम तौर मं 50 ले 60 दिन म पूरा होथे। अतका लम्बा अवधि तक कोविड प्रोटोकॉल जइसे व्यवस्था करना परीक्षा केन्द्र मन बर बड़ चुनौती हे। ये दिशा म छोट कन चूक के गंभीर परिणाम घलोक हो सकत हे। एला ध्यान म रखत परीक्षा मन के आयोजन के संबंध म कई ठन विश्वविद्यालय मन ले मिले सुझाव मन ह ऑनलाईन/ब्लैण्डेड मोड के संबंध म करे गए अनुशंसा के आधार म साल 2021-22 के बांचे परीक्षा ऑनलाईन, ब्लैण्डेंड मोड म आयोजित करे के हुकुम देहे गए हे।