सूरजपुर 08 अपरेल 2020। बाल कल्याण समिति सूरजपुर म चाईल्ड लाईन ओड़गी ह एक 12 बछर के बालिका ल लाए हे। जानबा हे के ये बालिका नगर पंचायत भटगांव म भटकत पाय गए रहिस हे। ये बालिका कुछ बोल अउ सुन नइ पाए संगेच ओला देखे म घलोक कुछ परेसानी होथे। बालिका गुलाबी रंग के अम्ब्रेला फ्राक पहने हे अऊ ओखर दुपट्टा आसमानी रंग के अउ नीचे स्लेटी रंग के लोवर पहिने हे। बालिका 04 अप्रैल 2020 के मिले हे। बालिका के बाल छोटे-छोटे कटे हे माथा म चोट के चिनहा हे अऊ वोकर रंग सांवली हे।
ये बालिका ल कहूं कोनो मनखे चिन्हत होंहीं त वो कार्यालय जिला बाल संरक्षण इकाई, महिला अउ बाल विकास विभाग केतका रोड मानपुर के मोबाईल नं0 9009382323 म संपर्क कर सकत हें। जेखर से ये बालिका ल ओखर घरवाले मन ले मिलाए जा सकय।