रायपुर, राज्य मनरेगा कार्यालय ह ‘उन्नति’ परियोजना के म मनरेगा बनिहार मन के कौशल विकास म तेजी लाय के हुकुम देहे हे। मनरेगा आयुक्त श्री मोहम्मद कैसर अब्दुलहक ह सबो जिला मन के कलेक्टर-सह-जिला कार्यक्रम समन्वयक (मनरेगा) ल परिपत्र जारी करके मनरेगा बनिहार मन ल रोजगार या स्वरोजगार ले जोड़े खातिर ऊंखर कौशल उन्नयन बर शुरू करे गए ‘उन्नति’ परियोजना के सालाना लक्ष्य पाए बर एखर क्रियान्वयन म तेजी लाय ल कहे हें। उमन सबो जिला मन म मनरेगा (महात्मा गांधी राष्ट्रीय ग्रामीण रोजगार गारंटी अधिनियम) अऊ बिहान (छत्तीसगढ़ राज्य ग्रामीण आजीविका मिशन) के अंतर्गत पदस्थ जिला अऊ जनपद पंचायत स्तर के अधिकारी मन के आपसी समन्वय ले प्रभावी अऊ समयबद्ध कार्यवाही सुनिश्चित करे के हुकुम देहे हे जेखर से हर एक जिला ल आबंटित प्रशिक्षण के लक्ष्य ल समय-सीमा म हासिल करे जा सकय।
‘उन्नति’ परियोजना के तहत मनरेगा बनिहार मन के कौशल विकास म तेजी लाय के हुकुम
