कोरिया जिला म स्वास्थ्य सेवा के नवा पहिचान, 25 बछर म मिलिस आधुनिक सुविधा

कोरिया, पाछू 25 बछर म कोरिया जिला के स्वास्थ्य सेवा म अभूतपूर्व विस्तार होय हे। साल 2000 म जिहां सीमित संसाधन रहिस, उहें अब जिला अस्पताल के क्षमता 100 ले बढ़के 200 बिस्तर के हो गए हे। उप स्वास्थ्य केंद्र मन के संख्या 82 ले 89, प्राथमिक स्वास्थ्य केंद्र 8 ले 11 अऊ सामुदायिक स्वास्थ्य केंद्र 2 ले बढ़के 4 हो गे हे। जिला म डायलिसिस, सीटी स्कैन, सोनोग्राफी, ऑक्सीजन प्लांट अऊ हमर लैब जइसे आधुनिक सेवा उपलब्ध हे। राज्य के पहला वयोवृद्ध स्वास्थ्य जांच केंद्र घलोक इहें संचालित होवत हे।
आयुष्मान भारत योजना के तहत 2.67 लाख ले जादा कार्ड बन गे हे। आयुष विभाग म घलोक उल्लेखनीय प्रगति होए हे —अब जिला म 7 आयुर्वेद, 4 होम्योपैथी अऊ 2 यूनानी केंद्र कार्यरत हे, जेमे 8.88 लाख मरीज लाभान्वित होए हें। मुख्यमंत्री विष्णु देव साय अऊ स्वास्थ्य मंत्री श्याम बिहारी जायसवाल के उदीम ले कोरिया जिला स्वास्थ्य सुविधा मन के क्षेत्र म प्रदेश के अग्रणी उदाहरण बन गए हे।