- 21 दिन के लॉकडाउन के बेरा म घरे म रहव इही म सबके सुरक्षा
- गरीब परिवार ल दू महिना के राशन मुफ्त म जल्दी मिलही
- मुख्यमंत्री ह दीन हिन्दू नववर्ष, गुड़ी पड़वा अऊ चैत्र नवरात्रि के शुभकामना
रायपुर, 26 मार्च 2020। मुख्यमंत्री श्री भूपेश बघेल ह कहे हें के कोरोना वायरस के संक्रमण ल रोके बर प्रदेश के जनता के अभूतपूर्व सहयोग मिलत हे, एखर पूरा देश म सराहना होवत हे। हिन्दू नवा साल, चैत्र नवरात्रि अऊ गुड़ी पड़वा के बधाई अऊ शुभकामना देवत मुख्यमंत्री काली प्रदेश के जनता ल संबोधित करत अपन संदेश म कहिन के बहुत अकन भाई-बहिनी उपास रखथें। उपास के मतलब होथे, अपन ईष्ट के तीर म रहना। नौ दिन आप मन अपन ईष्ट के तीर म रइहू। भारत सरकार अऊ राज्य सरकार ह 21 दिन के लॉकडाउन करे हे। आप मन सबो ल ये बेरा म अपन-अपन घर म रहना हे। अपन ईष्ट के तीर रहना हे। अपन परिवार के संग रहना हे, इही म हम सबके सुरक्षा हे। राज्य म कोनो प्रकार के कोनो कमी नइ हे। सरकार के पूरा तंत्र जनता के संग हे अऊ स्वास्थ्य अऊ भोजन के संग जरूरी सुविधा मन के व्यवस्था म लगे हे।
