रायपुर, 13 अक्टूबर 2020। नगरीय प्रशासन अऊ श्रम मंत्री डॉ. शिव कुमार डहरिया ह आज छत्तीसगढ़ के कोरबा म एचडीएफसी बैंक के 100वां ब्रॉंच के डिजिटल माध्यम ले उद्घाटन करिन। उमन कहिन के बैंकिंग सेक्टर के विस्तार ले जिहां प्रदेश के मनखे मन ल स्थानीय स्तर म बैंकिंग सुविधा मिलही, उहें हितग्राही मन ल शासन के जनकल्याणकारी योजना मन के लाभ लेहे म घलोक सहायता मिलही। उमन प्रदेश के मनखे मन के विकास अऊ उत्थान म सहयोग बर बैक ले अपेक्षा करिन। मंत्री डॉ. डहरिया ह बैंक के अधिकारी मन ल 100वां ब्रांच खोले बर बधाई अऊ शुभकामनाए दीन। एचडीएफसी बैंक के छत्तीसगढ़ हेड श्री नीलेश फूले ह कहिन के कोरबा जिला के निहारिका म स्थापित ये ब्रांच एचडीएफसी बैंक के 100वां ब्रांच ये। श्री फूले ह कहिन के हमर बैंक शहरी क्षेत्र मन के संगेच ग्रामीण बैंकिंग सेवा म घलोक केन्द्रित होके गांव वाले मन ल बैंकिंग सेवा प्रदान करत हे। अवइया समय म बस्तर संभाग म 25 अऊ ब्रांच खोले के योजना हे। ये बेरा म बैंक अधिकारी श्री दीपक अग्रवाल, श्री संदीप ब्रिक, श्री उदय खेरवड़कर, नोडल अधिकारी श्री मनोज गुप्ता अऊ श्री रवि शाह उपस्थित रहिन।
नगरीय प्रशासन मंत्री डॉ. शिव कुमार डहरिया ह एचडीएफसी बैंक के 100वां ब्रांच के करिन उद्घाटन
