मुम्बई, बिग बॉस ओटीटी म अपन जलवा देखवईया हिरोइन उर्फी जावेद के बारे म आपो मन जानथव के वो ह सोशल मीडिया म बिक्कट एक्टिव रहिथे अऊ अपन आनी-बानी के फोटो अउ विडियो शेयर करत रहिथे। उर्फी के फैन्स मन वोला बिक्कट सहराथें उहें ओ ला मनखे मन ट्रोल घलोक करथें। मौका-बेमौका उर्फी ह ट्रोलर मन ल करारा जवाब घलोक देथे।
अइसनहे हाले म ट्विटर म निदा नाम के एक मनखे ह एक ट्वीट करे हे जेमा निदा ह उर्फी के बिकिनी फोटो शेयर करत कैप्शन म लिखे हे, ‘कोई जावेद अख़्तर जी से पूछो ना इस्लाम मे ये नंगापन अलाउ है कि नहीं..?’ ये ट्वीट ल ही रिट्वीट करत उर्फी जावेद ह ए बी ले डी तक करारा जवाब देहे हे।
उर्फी जावेद ह जवाब म लिखे, ‘ए. मैं जावेद अख्तर के पोती नो हंव। बी. मोर च्वाइस मोर पोगरी ये, मोर बबा के मन मुताबिक नहीं, चाहें वो जेन हो। सी. इस्लाम म तो सोशल मीडिया म घलोक होना अलाउ नइ हे, त प्लीज अपन आईडी तुरंत डिलीट कर। डी. में इस्लाम फॉलो नइ करवं, फेर तें करथस।’
जानबा हे के उर्फी जावेद, बिग बॉस ओटीटी म आए रहिस। शो म उर्फी ह दर्शक मन ल अड़बड़ एंटरटेन करे रहिस, फेर वो घर म लंबा पारी नइ खेल पाए रहिस। एखर बाद ले ही उर्फी खबर म बने रहिथे। उर्फी जावेद के अलग हटके स्टाइल ल एक कोति जिहां फैन्स अड़बड़ पसंद करथें त कई पईत ट्रोल घलोक होथे। उर्फी इंस्टाग्राम म अपन सुन्दर अऊ बोल्ड फोटू- वीडियो ले फैन्स मन के दिल जीत लेथे। लखनऊ के रहवईया उर्फी जावेद ह साल 2016 म सोनी टीवी के शो ‘बड़े भैया के दुल्हनिया’ म अवनि पंत के किरदार ले एक्टिंग करियर के शुरुआत करे रहिस। एखर बाद साल 2016-17 म उर्फी ह स्टार प्लस के शो चंद्र नंदनी म छाया के किरदार निभाइस। मेरी दुर्गा म आरती के किरदार ले घलोक उर्फी ह दर्शक मन के दिल जीतिस। उर्फी ह ‘सात फेरों के हेरा फेरी’, ‘बेपनाह’, ‘जीजी मां’, ‘डायन’, ‘ये रिश्ता क्या कहलाता है’ अऊ ‘कसौटी जिंदगी’ म घलव काम करे हे।
A – not javed akhtar’s grand daughter
B – I am an individual , my choices don’t depend on my grandfather whosoever it is
C- even being on social media is nit allowed in Islam , please delete your id immediately .
D – I don’t follow Islam but you do https://t.co/b6VcWrVYOp— Urfi Javed (@urf7i) December 12, 2021
