मुम्बई, अभीन के समें म चारो मुड़ा जवान लईका मन के बीच म पुष्पा फिलिम अऊ ओखर गाना मन के बारे म गोठ बात चलत हे। साउथ के ये ब्लॉकबस्टर फिलिम ह जम्मो रसिया मन ल दीवाना बना देहे हे। इही कड़ी म हेरोईन उर्फी जावेद के नाम घलोक सामिल हे। सोशल मीडिया म अपन भीतरी म पहिरे के कुरथा मन ल लेके गजट मन म छाए रहइया उर्फी जावेद ह पुष्पा फिल्म के गाना उपर इंस्टा रील बनाय हे।
स्लो मोशन म बने ये रील म उर्फी अपन मटकई ले जीव लेवत हे। उर्फी के ये रील छोटकन हे, फेर थोरकेच टेम म घलोक वो ह मनखे मन उपर बिजली गिराए म सफल हो गए हे। उर्फी जावेद ह ‘पुष्पा’ फिलिम के ‘आई बिड्डा इधि ना अड्डा’ गाना उपर रील बनाए हे। वीडियो के संग कैप्शन म वो ह लिखे हे, ‘पुष्पा फूल नो हे, आगी ये।’ मतलब तो समझते होहू? वीडियो म वो वाइन शेड के आउटफिट पहिरे दिखत हे। गाना शुरू होतेच उर्फी ह अइसन अपन चूंदी ल छरियाए हे के बस नजर उहें अटक जाथे।
