ऊर्जा संरक्षण के क्षेत्र में उत्कृष्ट प्रदर्शन ब छत्तीसगढ़ ल मिलिस एक अउ राष्ट्रीय पुरस्कार

‘छत्तीसगढ़ राज्य अक्षय ऊर्जा विकास अभिकरण (क्रेडा)’’ सरलग तीसर बार पुरस्कृत
बहुआयामी जागरूकता कार्यशाला के आयोजन अउ ऊर्जा दक्ष उपकरण के उपयोग ले बढ़ावा देहे ब मिलिस पुरस्कार
ग्रामीण क्षेत्र में ऊर्जा दक्ष उपकरण ल बढ़ावा देहे कुल 77 ठ गाँव ल मॉडल ऊर्जा दक्ष गाँव मन में करे गइस विकसित
56 स्वास्थ्य केन्द्र मॉडल ऊर्जा दक्ष स्वास्थ्य केन्द्र अउ 376 शासकीय स्कूल मॉडल ऊर्जा दक्ष शासकीय स्कूल के रूप में विकसित
मुख्यमंत्री श्री भूपेश बघेल ह क्रेड़ा के टीम अउ प्रदेशवासी मन ल दिस बधई
रायपुर, 23 सितम्बर 2023
छत्तीसगढ़ राज्य अक्षय ऊर्जा विकास अभिकरण (क्रेडा) ल नई दिल्ली में आयोजित समारोह में ऊर्जा संरक्षण के क्षेत्र में राष्ट्रीय स्तर म सर्वश्रेष्ठ प्रदर्शन ब स्टार परफॉर्मेंस अवार्ड से पुरस्कृत करे गइस। सोसाईटी ऑफ एनर्जी इजीनियर्स एण्ड मैनेजर्स – सीम द्वारा 21 सितम्बर के आयोजित 8वां नेशनल एनर्जी मैनेजमेंट अवार्ड समारोह में दिए गईस हे सम्मान। श्री आलोक कटियार, मुख्य कार्यपालन अधिकारी, छत्तीसगढ़ राज्य अक्षय ऊर्जा विकास अभिकरण (क्रेडा) द्वारा उक्त पुरस्कार ल डॉ. अशोक कुमार, उप महानिदेशक, ऊर्जा दक्षता ब्यूरों, (बी.ई.ई.) भारत सरकार के उपस्थिति में प्राप्त करे गइस। ए समारोह में क्रेडा के डहर ले श्री संजीव जैन, मुख्य अभियंता अउ श्री राजीव ज्ञानी, अधीक्षण अभियंता घलो उपस्थित रहिस। मुख्यमंत्री श्री भूपेश बघेल ह ए पुरस्कार ब क्रेडा के टीम अउ प्रदेशवासी मन ल बधाई दिस हे।
उल्लेखनीय हे कि सरलग 03 बछर (वर्ष 2020, 2021 अउ 2022 ) से क्रेडा ल सीम द्वारा ऊर्जा संरक्षण के क्षेत्र में सर्वश्रेष्ठ प्रदर्शन करे वाले राज्य नामित एजेंसी के रूप में राष्ट्रीय पुरस्कार से सम्मानित करे गय हे।