रायगढ़, 30 दिसंबर, 2023। रायगढ़ जिला के लैलूंगा के भुइंयापानी म काली बिरहोर परिवार मन ले मुलाकात अऊ चर्चा बर मुख्यमंत्री श्री विष्णु देव साय पहुंचे रहिन। उहां उमन आठवीं पास उर्मिला ले चर्चा करिन अऊ अधिकारी मन ल उहें ले ओ मन ल रोजगार उपलब्ध कराए के निर्देश दे रहिन। काली संझाच उर्मिला बर कुर्रा आश्रम शाला म दैनिक वेतन भोगी के रूप म रोजगार के व्यवस्था प्रशासन ह कर दीन। आज उर्मिला ह उहां काम घलोक सुरू कर दीस।
ये मौका म अपन खुशी जाहिर करत उर्मिला ह मुख्यमंत्री श्री विष्णुदेव साय ल धन्यवाद देवत कहिस कि कालेच वो ह भुइंयापानी म मुलाकात के समय रोजगार देवाए के बात कहे रहिस अऊ आज इहां अपन गांव म ही काम के व्यवस्था हो गे।
जानबा हे कि मुख्यमंत्री श्री साय के निर्देश के तुरंते कलेक्टर श्री कार्तिकेया गोयल ह अधिकारी मन ल उर्मिला के गांव म ही ओखर बर उचित रोजगार चिन्हांकित करे ल कहिन अऊ एखर पाछू उर्मिला ल एखर सूचना देहे गीस।
उर्मिला ह बताइस कि मुख्यमंत्री ले मिले के बाद ओला बहुत खुशी होइस अऊ ओला लगे रहिस कि ओखर खातिर रोजगार के रद्दा खुल जाही। अइसन लगे रहिस कि कुछ दिन म रोजगार के व्यवस्था हो जाही फेर उही दिन ये हो जाही ये सोचे नइ रहेन। देर संझा ओ मन ल अधिकारी मन ह बताइस कि ओ ल अपनेच गांव म आदिवासी आश्रम शाला म रख ले गए हे। उर्मिला ह बताइस कि आज ले नवा काम शुरू कर देहे हे। इहां बहुत अच्छा लगत हे।
मुख्यमंत्री के दौरा के चौबीस घंटा के भीतर बदल गे उर्मिला के दुनिया, आश्रम शाला म बिरहोर युवती ल मिलिस नौकरी
