मुख्यमंत्री ले अमेरिका के काउंसलेट जनरल ह करिस सौजन्य मुलाकात

रायपुर, मुख्यमंत्री श्री भूपेश बघेल ले आज इहां ऊंखर निवास कार्यालय म अमेरिका के काउंसलेट जनरल श्री डेविड जे.रेंज के सियानी म मुम्बई के प्रतिनिधि मंडल ह सौजन्य मुलाकात करिस। ये बेरा म मुख्यमंत्री के संग प्रतिनिधिमंडल ह एग्रीकल्चर अऊ फुड प्रोसेसिंग सेक्टर म संभावना मन उपर विस्तृत विचार-विमर्श करिन। मुख्यमंत्री श्री बघेल ह श्री डेविड जे. रेंज ल स्मृति चिन्ह भेंट करके सम्मानित घलोक करिन।

अमेरिका के काउंसलेट जनरल के नेतृत्व म आए प्रतिनिधि मंडल ह रायपुर जिला के विकासखण्ड आरंग के ग्राम बनचरौदा म बनाए गए आदर्श गौठान के घलोक अवलोकन करिन। प्रतिनिधि मंडल ह उहां मिट्टी अऊ गोबर ले बनाए जात जिनिस मन ल घलोक देखिन अऊ गौठान के संचालन के बारे म जानकारी लीन। उमन स्व-सहायता समूह मन कोति ले करे जात आर्थिक गतिविधि मन के बारे म चर्चा करिन। ये बेरा म मुख्यमंत्री के ग्रामीण विकास सलाहकार श्री प्रदीप शर्मा घलोक ऊंखर संग रहिन।

लउछरहा..