- बोस्टन म मुख्यमंत्री ले मैसाचुसेट्स इंस्टीट्यूट ऑफ टेक्नालॉजी अऊ सोलन स्कूल ऑफ मेनेजमेंट के प्रोफेसर श्री स्कॉट स्टर्न
- अऊ सोशल प्रोग्रेस इम्पेरेटिव के सीईओ श्री माइकल ग्रीन ले चर्चा
- श्री बघेल बोस्टन म 15 फरवरी के हार्वर्ड यूनिवर्सिटी म देहीं व्याख्यान
रायपुर, 15 फरवरी 2020। मुख्यमंत्री श्री भूपेश बघेल 14 फरवरी के अपन अमेरिका प्रवास के समय बोस्टन म रहिन जिहां उंखर मुलाकात मैसाचुसेट्स इंस्टीट्यूट ऑफ टेक्नालॉजी अऊ सोलन स्कूल ऑफ मेनेजमेंट के प्रोफेसर श्री स्कॉट स्टर्न अऊ सोशल प्रोग्रेस इम्पेरेटिव के सीईओ श्री माइकल ग्रीन ले होइस। ए मुलाकात म छत्तीसगढ़ राज्य के इकोनॉमिक अउ सोशल इंडेक्स, सोशल इकानॉमी सर्वे अऊ सोशल ऑडिट संग कई ठन विषय उपर विस्तार ले चर्चा होइस। ये चर्चा ए खातिर घलोक बहुत महत्वपूर्ण रहिस के पहिली ए विसय म अतीक बड़े स्तर म सोशल इकोनॉमिक इंडेक्स के अध्ययन उपर काम नइ करे गए हे। मुख्यमंत्री श्री बघेल ह कहिन कि एकर अध्ययन ले राज्य सरकार ल नवा नीति तैयार करे म मदद मिलही।
प्रोफेसर स्कॉट स्टर्न ह ए अवसर म एक प्रस्तुतीकरण घलोक दीन। जेमां अइसन आर्थिक-सामाजिक इंडेक्स के सर्वे के माध्यम ले राज्य के ग्रामीण क्षेत्र मन के मनखे मन के आर्थिक विकास उपर अध्ययन करके ऊंखर विकास बर नवा प्रोग्राम अऊ नीति आदि तैयार करे म मदद मिलही ताकि ग्रामीण ग्रामीण क्षेत्र मन के समुचित विकास हो सकय अऊ मनखे मन के आर्थिक स्थिति सुदृढ़ हो सकय। एखर माध्यम ले प्रमुख रूप ले रोजगार उपलब्ध कराना अउ एक वैज्ञानिक अध्ययन के माध्यम ले आर्थिक सुधार म काम करे बर ये बने उपाए साबित होही।
ए अवसर म उमन मुख्यमंत्री श्री भूपेश बघेल के नेतृत्व म छत्तीसगढ़ सरकार कोति ले ग्रामीण क्षेत्र मन म चलाए जात सुपोषण अभियान, हॉट-बाजार अऊ शहरी स्लम इलाका मन म चलित अस्पताल अउ बस्तर क्षेत्र म पाछू 15 साल ले बंद पड़े करीबन 300 स्कूल मन ल फेर चालू करे अऊ महिला मन अऊ लइका मन के स्वास्थ्य अऊ पोषण म दीए जात विशेष ध्यान ल बड़का कदम बताइस। मुख्यमंत्री के प्रमुख सचिव श्री गौरव द्विवेदी ह छत्तीसगढ़ के प्रमुख सोशल इंडेक्स के बारे म जानकारी दीन।
एखर अवसर म छत्तीसगढ़ के मुख्य सचिव श्री आर.पी.मण्डल, अपर मुख्य सचिव श्री सुब्रत साहू, मुख्यमंत्री के सलाहकार श्री प्रदीप शर्मा, सीएसआईडीसी के एमडी श्री अरूण प्रसाद संग हार्वर्ड यूनिवर्सिटी म अध्ययनरत आईएएस अधिकारी सुश्री एम.गीता घलोक उपस्थित रहिन।