रायपुर, 25 जून 2024। छत्तीसगढ़ राज्य विधिक सेवा प्राधिकरण, बिलासपुर के संग राज्य न्यायिक एकेडमी के सहयोग ले छत्तीसगढ़ राज्य के 23 जिला मन म स्थापित लीगल एड डिफेंस कौंसिल सिसटम म नियुक्त चीफ, डिप्टी अउ असिस्टेंट लीगल एड डिफेस कौंसिल मन बर 23 जून ले आयोजित तीन दिवसीय प्रशिक्षण सत्र के आखरी दिन छत्तीसगढ़ उच्च न्यायालय के मुख्य न्यायाधिपति अउ छत्तीसगढ़ राज्य विधिक सेवा प्राधिकरण (सालसा) के मुख्य संरक्षक न्यायमूर्ति श्री रमेश सिन्हा ह प्रशिक्षण स्थल छत्तीसगढ़ राज्य न्यायिक अकादमी पहुंचके उहां के गतिविधि मन के उदुहा जांच करिन।
न्यायमूर्ति श्री सिन्हा ह कौंसिल मन ल संबोधित करत कहिन कि प्रशिक्षण कार्यकम के पूरा लाभ प्राप्त करत अपन-अपन जगा म बने सहिन काम करव अउ अपन विधिक कौशल ल विकसित करव। संगे उमन कहिन कि नव कानून अउ नवा विकसित तकनीक मन के माध्यम ले विधि के अपडेट जानकारी रखव। उमन कहिन कि उच्च न्यायालय म सुनवाई के दौरान् यदि कोनो मामला ऊंखर आगू आए जेमां डिफेंस कौंसिल ह अपन पक्षकार के मामला म गुणवत्ता ले प्रतिपरीक्षण करे होही तो ओ मन ल खुशी होही। श्री सिन्हा ह डिफेंस कौंसिल मन ल अपन पक्षकार ले सरलग सम्पर्क म रहके उंखर विश्वसनीयता बनाए रखे, पीड़ित पक्ष के ध्यान रखे अऊ पाक्सो एक्ट के दिशा निर्देश के पालन करे के मार्गदर्शन दीन। मुख्य न्यायाधिपति अचानक प्रशिक्षण स्थल म प्रतिभागि मन ल मार्गदर्शन देहे ले प्रशिक्षण कार्यकम उत्साही अउ प्रेरणादायी हो गीस। उमन प्रशिक्षार्थी डिफेंस कौंसिल मन ल ऊंखर काम बर प्रोत्साहित करत शुभकामना दीन।
जानबा हे कि राष्ट्रीय विधिक सेवा प्राधिकरण (नालसा) के निर्देश के मुताबिक राज्य म स्थापित लीगल एड डिफेंस कौंसिल सिसटम म नियुक्त चीफ, डिप्टी चीफ अउ असिस्टेंट लीगल एड डिफेंस कौंसिल मन के तीन दिन के एडवांस ट्रेनिंग प्रोग्राम के आयोजन 23 ले 25 जून, 2024 तक राज्य न्यायिक एकेडमी म करे गए रहिस। ए प्रशिक्षण म चीफ 23, डिप्टी चीफ 32 अउ असिस्टेंट लीगल एड डिफेंस कौंसिल 50 ए प्रकार कुल 105 कौंसिल प्रतिभागी के रूप म उपस्थित रहिन।
