रायपुर, छत्तीसगढ़ राज्य सूचना आयोग कार्यालय म आज गांधी जयंती के पहिली के संझा म प्लास्टिक ले होवईया हानि ले बचाय बर प्लास्टिक के उपयोग पूरा प्रतिबंधित करे के संकल्प लीन अऊ मिट्टी या आन उपयोगी वस्तु मन के उपयोग करे के संकल्प आयोग के अधिकारी-कर्मचारी मन ह लीन।
सूचना आयुक्त श्री मोहनराव पवार ह कहिन कि हम सब ल प्लास्टिक के उपयोग बंद करना होही। प्लास्टिक उपयोग करे ले जहरीला अऊ हानिकारक पदार्थ निकलथे। जेखर से कैंसर जइसे भयानक बीमारियां हो सकत हे। कहूँ अइसन नइ करे गीस तो हमर पृथ्वी म सांस तक लेना मुश्किल हो जाही अऊ हम अइसन बीमारी मन ले घिर जाबो।0000
सूचना आयुक्त श्री अशोक अग्रवाल ह कहिन कि कई ठन देश मन ह प्लास्टिक बैग म आंशिक त कुछ देश मन ह पूरा प्रतिबंध लगाए हे। कुछ देश अइसे हें जऊन जल-जमीन या हवा ल जउन नुकसान झन पहुंचावय अइसे समान मन ल बढ़ावा देवत हें जेखर से छोटे-छोटे स्वरोजगार के अवसर बाढ़ही। प्लास्टिक के उपयोग बंद करके हम न केवल पर्यावरण के रक्षा करे में मददगार बनबोन भलुक स्वस्थ समाज के दिशा म घलोक आगू बढ़बोन।
छत्तीसगढ़ राज्य सूचना आयोग के सचिव श्री संजय दीवान ह कहिन कि कहूं प्लास्टिक के जगा म कोनो आन पदार्थ के उपयोग करे जाए त प्लास्टिक उपर प्रतिबंध लगाए जा सकत हे। पर्यावरण म प्रतिकूल प्रभाव के संगेच पेड़-पोधा, जीव-जंतु अऊ समुद्री जल-जीव मन अऊ मानव जाति उपर घलोक गंभीर संकट मंडरावत हे। हमला पर्यावरण के सुरक्षा सुनिश्चित करे बर प्लास्टिक उत्पाद मन के उपयोग ल कम करना चाही जेखर से एक स्वच्छ वातावरण के निर्माण कर सकन।
अवर सचिव श्रीमती आभा तिवारी ह आयोग के सबो अधिकारी-कर्मचारी मन ल मिट्टी के बने जग बोतल अऊ गिलास भेंट करके प्लास्टिक के जगा म आन उपयोगी वस्तु मन के उपयोग म जोर दीन। छत्तीसगढ़ राज्य सूचना आयोग के सचिव संग सबो अधिकारी-कर्मचारी मन ह प्लास्टिक के उपयोग नइ करे के संकल्प लीन अऊ न केवल कार्यालय म भलुक घर-घर म प्लास्टिक के उपयोग नइ करे बर मनखे मन ल प्रोत्साहित करे के काम करबोन।