उत्तर बस्तर कांकेर : लक्ष्मी स्व-सहायता समूह के महिला एउ, बकरी पालन करके आर्थिक रूप ले होवत हे आत्मनिर्भर

उत्तर बस्तर कांकेर, महिला मन ल आत्मनिर्भर बनाए अऊ स्वरोजगार ले जोड़े बर छत्तीसगढ़ शासन कोति ले कई ठन योजना संचालित करे जात हे। जिला म दुर्गूकोंदल विकासखण्ड के लक्ष्मी स्व-सहायता समूह के महिला मन बकरी पालन करके आर्थिक रूप ले आत्मनिर्भर होवत हें। लक्ष्मी स्व-सहायता समूह के अध्यक्ष श्रीमती सोनबती के बताती दुर्गूकोंदल विकासखण्ड के दसकसा सेक्टर अंतर्गत आंगनबाड़ी केन्द्र चिहरो क्रमांक-01 कोति ले लक्ष्मी स्व-सहायता समूह के गठन करे गए हे, जेमां 10 महिला सामिल हे। ए महिला मन ह कुछ करे अऊ अपन आर्थिक स्थिति ल मजबूत बनाए के सोचिन, सेक्टर पर्यवेक्षक अऊ आंगनबाड़ी कार्यकर्ता मन महिला मन ल बकरी पालन करे बर प्रोत्साहित तको करिन। बकरी पालन बर इहां के भौगोलिक स्थिति घलोक अनुकूल हे, तभे समूह के महिला मन बकरी पालन करे बर तियार हो गें अऊ करजा लेहे के योजना बनाइन। समूह के महिला मन छत्तीसगढ़ महिला कोष ले 50 हजार रूपिया के करजा लीन। तेकर से एमन 10 बकरी खरीदीन अऊ ओसरी-पारी ये मन चराए के काम करथें अऊ सबो महिला मन सक्रिय होके काम करत हें। धीरे-धीरे बकरी मन के संख्या बाढ़े लगिस अऊ बकरी मन के बाढ़े म एक बकरी ल 10 ले 12 हजार रूपिया म बेचके अपन आर्थिक स्थिति मजबूत करत हें। एकर से समूह के महिला मन अब तक करीबन पांच लाख रूपिया के आमदनी प्राप्त करे हें। बकरी पालन ले महिला मन आत्मनिर्भर होके अपन जीवन स्तर म सुधार लावत हें।