ये पंद्रही म होइस सबले जादा मात्रा म गोबर के खरीदी
उत्तर बस्तर कांकेर, शासन के महत्वाकांक्षी गोधन न्याय योजना जिला के पशुपालक किसान मन बर वरदान साबित होवत हे। इहां के किसान मन गोबर बेचके सफलता के नवा-नवा कहनी लिखत हें। पशुपालक मन कोति ले अब गोबर ऊ गौ-मूत्र ल सहेज के गौठान मन म बिक्री करे जात हे। सबो गौ-पालक किसान मन, भूमिहीन मजदूर, महिला स्व-सहायता समूह मन बर ये योजना वरदान साबित होवत हे।
जिला के सुदूर क्षेत्र कोयलीबेड़ा विकासखण्ड के डोण्डे गौठान के अमरसिंह नरेटी ह 01 लाख 13 हजार 220 रूपिया के गोबर बेचके अपन बेटा बर एक फटफटी बिसाए हे। इहें के चरवाहा शंकर महाराज ह 82 हजार 358 रूपिया के गोबर बेचके अपन बेटी के शादी करे हें। महिला पशुपालक नरेश्री कोटवार ह 01 लाख 04 हजार 826 रूपिया के गोबर बेचके अपन चार बहु मन बर 15-15 ग्राम के गहना बिसाए हे। अइसनहे जिला के आन किसान मन ह घलोक गोबर बेचके अपन आर्थिक स्थिति मजबूत करे हें। गोबर बेचे बर जिला म 15,148 किसान मन पंजीयन करवाए हें, जेमां ले 9,531 किसान मन 03 करोड़ 89 लाख रूपिया के गोबर बेचके आय अर्जित करे हें। कलेक्टर डॉ. प्रियंका शुक्ला के बताए रद्दा म जिला प्रशासन कोति ले गौठान मन म गोबर बेचे बर सरलग हितग्राही मन ल प्रोत्साहित करे जात हे, जेखर से गोबर बेचचइया हितग्राही मन के संख्या अउ गोबर के मात्रा म वृद्वि होवत हे। जिला प्रशासन कोति ले ये पखवाड़ा म विशेष अभियान चलाके गौ-पालकों के पंजीयन अउ गोबर बेचे बर हितग्राही मन ल प्रोत्साहित करे ले गोबर खरीदी के राशि करीबन तीन गुना बढ़के 17 लाख 37 हजार 579 रूपिया हो गए हे। जिला के 34 प्रतिशत गौठान मन म 15 दिन के भीतर 30 क्विंटल ले जादा गोबर के खरीदी करे गए हे अऊ 99.5 प्रतिशत गौठान एक्टिव हो गे हे।
