उत्तर बस्तर कांकेर, सरदार वल्लभ भाई पटेल के जन्मदिवस ल राष्ट्रीय एकता दिवस के रूप म मनाए गीस। राष्ट्रीय एकता दौड़ ल कांकेर लोकसभा क्षेत्र के सांसद श्री मोहन मण्डावी ह हरियर झण्डी देखा के रवाना करिन। राष्ट्रीय एकता दौड़ शासकीय नरहरदेव उच्चतर माध्यमिक विद्यालय के मैदान ले चालू होके ऊपर-नीचे रोड, कोठारी पेट्रोल पंप, मस्जिद चौक, सिंधी धर्मशाला, जुन्ना बस स्टैण्ड होत गांधी चौक फिर से नरहरदेव स्कूल मैदान म पहुंचके संपन्न होइस। जिला पंचायत के अध्यक्ष श्री हेमंत धु्रव ह उपस्थित अधिकारी-कर्मचारी अऊ पढ़ईया लईका मन ल शपथ देवाईन। राष्ट्रीय एकता दौड़ म जिला पंचायत के मुख्य कार्यपालन अधिकारी सुमीत अग्रवाल, सिविल सर्जन डॉ. आर.से. ठाकुर, अस्थि रोग विशेषज्ञ डॉ. लोकेश देव, रक्षित निरीक्षक मोहसीन खान, जिला शिक्षा अधिकारी भुवन जैन, खेल अधिकारी संजय जैन, रेडक्रास सोसायटी, राष्ट्रीय सेवा योजना, एनसीसी अऊ स्काउट गाईड के पढ़ईया लईका मन ह बढ़-चढ़कर भाग लीन।
उत्तर बस्तर कांकेर : सांसद ह करिन राष्ट्रीय एकता दौड़ ल हरियर झण्डी देखा के रवाना
