उत्तर बस्तर कांकेर, 20 जून 2020। जिला मुख्यालय कांकेर के अलबेला पारा स्थित शासकीय आदर्श कन्या महाविद्यालय भवन म कोविड-19 अस्पताल बनके तियार हो गए हे, 100 बिस्तर के ये अस्पताल म आईसीयू वार्ड, एसडीयू वार्ड अऊ जनरल वार्ड बनाये गए हे। आईसीयू वार्ड म 10 बेड, एसडीयू वार्ड म 12 बेड अऊ जनरल वार्ड म 78 बेड के व्यवस्था हे। कोविड-19 अस्पताल म मरीज अउ स्टॉफ बर अलग-अलग प्रवेश अउ निकासी द्वार बनाये गये हे।
मुख्य चिकित्सा अउ स्वास्थ्य अधिकारी डॉ. जे.एल. उईके ह बताइस के डाफिंग अउ डानिंग एरिया के निर्माण पूरा कर ले गए हे। आक्सीजन प्लांट सक्शन के संग लगाए गए हे, आईसीयू वार्ड म मल्टीपेरा मॉनीटर इन्फ्यूजन पंप लगाए जा चुके हे अऊ डीफिब्रीलेटर अउ ईसीजी मशीन स्थापित कर ले गए हे। पेसेन्ट मॉनिटरिंग सिसटम, पब्लिक एड्रेसल अऊ पेसेन्ट कालिंग सिसटम लगाए जा चुके हे। स्टॉप के रहे के व्यवस्था पूरा कर लेहे गए हे अऊ मरीज मन बर पीए के पानी के व्यवस्था तको कर लेहे गए हे। भवन म सीसी टीव्ही कैमरा अऊ इंटरनेट सुविधा तको उपलब्ध हे। परिसर के पीछू बॉयोमेडिकल वेस्ट मेनेजमेंट बर डीप पिट अउ सार्प पिट के निर्माण करे गए हे। डॉ. उईके के बताती ये अस्पताल म कोविड-19 ले संबंधित मरीज ल भर्ती करे लायक पूरा तैयारी हे।
