उत्तर बस्तर कांकेर : श्याम सिंह सलाम बनिस आत्मनिर्भर

शासन के योजना के लाभ उठा के बनिस वाहन के मालिक
उत्तर बस्तर कांकेर 04 अगस्त 2023
जिला के बेरोजगार युवा मन ल स्वरोजगार ले जोडे़ अउ उमन ल आत्मनिर्भर बनाए ब खादी ग्राम उद्योग बोर्ड कती ले विभिन्न योजना के तहत् युवा मन ल ऋण के सुविधा उपलब्ध कराए जात हे, जेकर लाभ जिला के युवा मन ल मिलत हे अउ उमन रोजगार स्थापित कर के स्वावलंबी बनत हे।
            कांकेर विकासखण्ड के ग्राम धनतुलसी निवासी श्यामसिंह सलाम ल घलो खादी ग्रामोद्योग बोर्ड कांकेर ह पैसेंजर व्हीकल ऑटो ब 03 लाख 60 हजार 958 रूपिया के ऋण स्वीकृत करे गए रहिस, जेकर से ओला प्रतिदिन लगभग 300 रूपिया के आमदनी होवत हे। श्यामसिंह सलाम ह बताइस कि मोर परिवार के आर्थिक स्थिति ठीक नई होए के सेती जीवन-यापन करे म कठिनाई होवत रहिस। मैं पिछले 12 साल ले लगातार कमांडर बोलेरो गाड़ी चलात रहेंव। गाड़ी चलाए के हर महीना मोला 06 हजार रूपिया मिलत रहिस, जेकर से गुजर-बसर करे म दिक्कत होवय।  खादी ग्रामोद्योग बोर्ड जिला पंचायत कांकेर के माध्यम ले प्रधानमंत्री रोजगार सृजन कार्यक्रम अंतर्गत पैसेंजर व्हीकल ऑटो ब ऋण प्रदाय करे के जानकारी मिले के बाद मैं उक्त कार्यालय म संपर्क करेव अउ योजना के लाभ लेहे ब अपन आवेदन पत्र प्रस्तुत करेंव। सब औपचारिकता पूरा करे के बाद मोला प्रधानमंत्री रोजगार सृजन कार्यक्रम अंतर्गत छत्तीसगढ़ ग्रामीण बैंक शाखा न्यू बस स्टैण्ड कांकेरस 03 लाख 60 हजार 958 रूपिया के ऋण स्वीकृत कर पैसेंजर व्हीकल ऑटो बिसाये ब राशि प्रदाय करे गईस, जेकर से मैं ऑटो बिसा के अपन रोजगार सुरू करे हंव, प्राप्त आमदनी ले मोला अपन परिवार के भरण-पोषण करे म मदद मिलत हे। मोर परिवार के आर्थिक स्थिति में सुधार होइस हे, संग ही नियमित रूप ले बैंक के ऋण घलो अदा करत हंव। मैं शासन के अबड़ आभारी हंव, जे  मोला अउ मोर परिवार ल जीए के एक नवा अवसर दिस हे।
Success story