मुंगेली, 16 मार्च 2020। विश्व स्वास्थ्य संगठन के अनुसार भारत, ब्रिटेन अउ अमरीका समेत कोरोना वायरस कोविड 19 अब दुनिया के 123 देश म फैल गे हे अउ एखर कारण पांच हजार से ज्यादा मौत हो चुके हय। वहीं दुनिया भर म एखर संक्रमण के 136,895 मामला के पुष्टि हो चुके हे। एही बीच अमेरिका म कोरोना वायरस के टीका के परीक्षण सोमवार से शुरू होवत हावय।
अमेरिकी सरकार के एक अधिकारी के मुताबिक कोरोना वायरस से बचाय बर बनाय टीका के परीक्षण सोमवार से शुरू होवत हे। अधिकारी ह पहचान उजागर न करे के शर्त म विशेष तौर से प्रेस वाला मन ल बताइस कि परीक्षण के पहले प्रतिभागी ल सोमवार के प्रायोगिक टीका दिये जाही। परीक्षण के बारे म सार्वजनिक तौर म फिलहाल कोई घोषणा नई करे गे हे।
ओमन बताइन कि राष्ट्रीय स्वास्थ्य संस्थान (एनआईएच) ये परीक्षण के लिए धन मुहैया करात हावय अउ सिएटल म ‘कैसर परमानेंट वाशिंगटन हेल्थ रिसर्च इंस्टीट्यूट’ में होवत हे। जन स्वास्थ्य अधिकारि के कहना हे कि कोनों भी संभावित टीका के पुष्टि म एक साल से 18 महीने तक के टाइम लग जाही।ये परीक्षण 45 युवा अउ स्वस्थ स्वेच्छाकर्मियों के साथ शुरू होही जेमन ल एनआईएच अउ मॉर्डर्न इंक के संयुक्त प्रयास से विकसित टीका लगाए जाही हालांकि प्रत्येक प्रतिभागी ल अलग-अलग मात्रा म सुई लगाय जाही। ये बात के कोई संभावना नही हे कि कोई भी प्रतिभागी कोरोना वायरस से संक्रमित होही काबर कि ये टीका म वायरस नई हे।
ये परीक्षण के लक्ष्य सिर्फ ये जांचना हे कि टीका ल कोई चिंताजनक दुष्प्रभाव झन हो अउ ओखर आधार म बड़े पैमाने म परीक्षण करे जा सके। कोविड-19 के बढ़त मामला के बीच विश्व भर के दर्जनों शोध संगठन टीका विकसित करे के प्रयास म जुट गे हें।
