वैज्ञानिक चयन परीक्षा म सृष्टि के अव्वल आए म गृह मंत्री श्री ताम्रध्वज साहू ह दीन बधाई

रइपुर, 31 मार्च 2021 बुधवार। गृह मंत्री श्री ताम्रध्वज साहू ह भारतीय अंतरिक्ष अनुसंधान संस्थान (इसरो) डाहर ले आयोजित वैज्ञानिक चयन परीक्षा म सृष्टि के अव्वल आए म गृह मंत्री श्री ताम्रध्वज साहू ह शुभकामना दीन हे । मंत्री श्री साहू ह ट्वीट करके कहीन हे कि दुरूग के बिटिया ह जम्मो प्रदेश ल गौरवान्वित करीन हे । देश के सबले बड़े संस्थान इसरो म जगा पा के छत्तीसगढ़ के मान बढ़ाय हवय। ये सफलता बर सृष्टि, उन्कर माता-पिता अउ गुरूजन मन ल तको मोर कोति ले हार्दिक शुभकामना। सृष्टि बाफना बालोद जिला के कुसुमकसा गांव के निवासी हरे। उन्मन दुरूग के महावीर विद्यालय म 10 वीं अउ 12 वीं के शिक्षा ग्रहण करे के पाछू बीआईटी दुरूग ले सिविल इंजीनियरिंग के पढ़ाई करीन हे । उन्मन आईआईटी दिल्ली म एमटेक करीन हे ।