मुख्यमंत्री श्री बघेल ह अंजुमन इस्लाहुल मुस्लेमीन वक्फ कोति ले बनाए जाय वाले मैरिज हॉल के करिस शिलान्यास

रायपुर, 13 फरवरी 2021। मुख्यमंत्री श्री भूपेश बघेल ह काली सरगुजा जिला के मैनपाट म आयोजित कार्यक्रम म राज्य वक्फ बोर्ड के माध्यम ले अंजुमन इस्लाहुल मुस्लेमीन वक्फ अंबिकापुर के वक्फ संपत्ति मन के सदुपयोग बर बनइया मैरिज हॉल के शिलान्यास करिन । ये बेरा म स्कूल शिक्षा अऊ अल्पसंख्यक कल्याण मंत्री डॉ. प्रेमसाय सिंह टेकाम, नगरीय प्रशासन मंत्री डॉ. शिवकुमार डहरिया, खाद्य अऊ नागरिक आपूर्ति मंत्री श्री अमरजीत भगत घलोक उपस्थित रहिन।
राज्य वक्फ बोर्ड के मुख्य कार्यपालन अधिकारी साजिद मेनन ह बताइस कि सेन्ट्रल वक्फ काउंसिल भारत सरकार ह वक्फ संपत्ति मन के विकास अऊ वोखर आय म वृद्धि बर अइसन वक्फ संपत्ति मन के निर्माण ल प्रोत्साहन देवतहे जऊन खाली हे। राज्य वक्फ बोर्ड के उदीम ले ये योजना के अंतर्गत अंजुमन इस्लाहुल मुस्लेमीन वक्फ अंबिकापुर ह वक्फ जमीन म मैरिज हॉल के निर्माण करवईया हे। ये बेरा म अंजुमन इस्लाहुल मुस्लेमीन वक्फ अंबिकापुर के सदर श्री युनूस खान, सचिव श्री इरफान सिद्दिकी संग मुस्लिम समाज के गणमान्य नागरिक उपस्थित रहिन।