वन अधिकार कानून ल पूरा गंभीरता अऊ ईमानदारी ले लागू करव – श्री भूपेश बघेल

जगदलपुर, मुख्यमंत्री श्री भूपेश बघेल ह वन अधिकार मन के मान्यता के क्रियान्वयन म आज जगदलपुर के कुम्हरावंड स्थित कृषि महाविद्यालय म आयोजित कार्यशाला ल सम्बोधित करत कहिन के ये कानून ऊंखरे बर बने हे, जऊन हजारों सालों ले वन के रक्षा करत हें। ए खातिर ऊंखर अधिकार बर बने ए कानून ल प्रदेश म पूरा गंभीरता अऊ ईमानदारी ले लागू करे जाए। उमन कहिन के ए अधिनियम म काला अऊ कइसे मान्यता पत्र दे जाना हे, ए बारे म परखर लिखाए हे। सबो संबंधित विभाग मन के अधिकारी ए कानून के बारीकी ले अध्ययन कर लेवव अऊ सही हकदार मन ल एकर लाभ देवावव।