रायपुर, मुख्यमंत्री श्री भूपेश बघेल के मुख्य आतिथ्य म आज संभागीय मुख्यालय अम्बिकापुर म वन अधिकार मान्यता अधिनियम के क्रियान्वयन म संभाग स्तरीय कार्यशाला पूरा होइस। जिला पंचायत कार्यालय के सभा कक्ष म आयोजित ए कार्यशाला ल सम्बोधित करत मुख्यमंत्री ह कहिन के ए अधिनियम के क्रियान्वयन म सबले खास भूमिका ग्राम समिति के हे। उमन कार्यशाला म उपस्थित विधायक अऊ आन जनप्रतिनिधि मन ले कहिन के ओ मन वन अधिकार संबंधी नियम मन के पुस्तिका के अध्ययन बने सहिन कर लेवंय। ताकि गांव वाले मन अऊ वनवासी मन के जिज्ञासा मन अऊ उंखर शंका मन के समाधान तुरन्ते कर सकव। उमन कहिन के वन अधिकार मान्यता पत्र हितग्राही मन के जमीन ल खेती करे लइक बनाए बर मनरेगा ले काम लेहे जाये। जऊन हितग्राही मन के जमीन खेती करे लइक हो जाये तब ओ मन ल कृषि ऋण ले लाभान्वित करे जाये।
कार्यशाला म सरगुजा विकास प्राधिकरण के अध्यक्ष श्री खेलसाय सिंह, विधायकगण श्री वृहस्पति सिंह, श्री अमरजीत भगत, श्री गुलाब कामरो, श्री चिंतामणी महाराज, डॉ प्रीतम राम, श्री पारसनाथ राजवाडे़, श्री यू.डी.मिंज, जिला पंचायतों के अध्यक्ष, सरगुजा कमिश्नर श्री ए.के.टोप्पो, कलेक्टर डॉ. सारांश मित्तर संग सरगुजा संभाग के जिला मन के कलेक्टर, अनुविभागीय अधिकारी, राजस्व अउर वन विभाग, राजस्व विभाग, आदिम जाति अउर अनुसूचित विकास विभाग के अधिकारी मौजूद रहिन।