मुख्यमंत्री के घोषणा के मुताबिक वनांचल म कुपोषण खतम करे बर सुपोषण अभियान शुरू

पायलट प्रोजेक्ट के तहत 4 पंचायत मन के चयन
गंजेनार ग्राम पंचायत म आज ले पौष्टिक भोजन प्रदाय शुरू
लइका अऊ शिशुवती माता मन संग शाला त्यागी किशोरी बालिका मन ल हर दिन मिलही गरम पौष्टिक भोजन
रायपुर, वनांचल क्षेत्र बस्तर अंचल ल कुपोषण ले निजात देवाये बर मुख्यमंत्री श्री भूपेश बघेल के घोषणा के मुताबिक सुपोषण अभियान शुरू हो गए हे। बस्तर संभाग के दन्तेवाड़ा जिला म 24 जून ले कुपोषण ल दूर करे बर लइका, लइकोरी माता मन अऊ शाला त्यागी किशोरी बालिका मन ल हर दिन गरम पौष्टिक भोजन प्रदाय शुरू कर देहे हे।
जिला म पायलट प्रोजेक्ट के तहत ये सुपोषण अभियान ल आरंभिक तौर म 4 ग्राम पंचायत गंजेनार, श्यामगिरी, तुमकपाल अऊ मुचनार म शुरुआत करे के निर्णय ले गए हे। जेखर तहत आज 24 जून के दिन दंतेवाड़ा ब्लॉक के गंजेनार ग्राम पंचायत म जिला पंचायत अध्यक्ष श्रीमती कमला विनय नाग, कलेक्टर श्री टोपेश्वर वर्मा अऊ सीईओ जिला पंचायत श्री सच्चिदानंद आलोक कोति ले , गरम पौष्टिक भोजन परूस के ये महत्वाकांक्षी सुपोषण अभियान के शुरुआत करिन। दन्तेवाड़ा जिला म ये अभियान के संचालन बर जिला खनिज न्यास निधि के तहत वित्त पोषण करे के निर्णय ले गए हे।